വീൽചെയറിലെ വിപ്ലവം; തളരാത്ത പോരാളി സൈമൺ ബ്രിട്ടോയുടെ ഓർമകൾക്ക് ഏഴ് ആണ്ടുകൾ
കുത്തേറ്റു വീണിട്ടും തളരാത്ത പോരാട്ടവീര്യം കൊണ്ട് കേരള രാഷ്ട്രീയത്തെ വിസ്മയിപ്പിച്ച വിപ്ലവകാരി സൈമൺ ബ്രിട്ടോ വിടവാങ്ങിയിട്ട് ഏഴ് വർഷം തികയുന്നു. ശരീരം തളർന്നപ്പോഴും മനക്കരുത്ത് കൊണ്ട് ആകാശത്തോളം വളർന്ന ആ ജീവിതം ഇന്നും ഓരോ വിദ്യാർത്ഥി പോരാളിക്കും ആവേശമാണ്.
1983 ഒക്ടോബർ 14-നായിരുന്നു ആ ദാരുണമായ സംഭവം. എറണാകുളം മഹാരാജാസ് കോളേജിലെ എസ്.എഫ്.ഐ നേതാവായിരുന്ന ബ്രിട്ടോയെ, എറണാകുളം ജനറൽ ആശുപത്രിക്ക് സമീപം വെച്ച് എതിരാളികൾ ക്രൂരമായി ആക്രമിച്ചു. അന്ന് 29 വയസ്സുമാത്രമായിരുന്നു അദ്ദേഹത്തിന്റെ പ്രായം. ഹൃദയത്തെയും ശ്വാസകോശത്തെയും ലക്ഷ്യമിട്ടെത്തിയ കത്തിമുനകൾ ബ്രിട്ടോയുടെ സ്വപ്നങ്ങളുടെ ചിറകരിയാൻ ശ്രമിച്ചെങ്കിലും, തോറ്റുകൊടുക്കാൻ ആ പോരാളി തയ്യാറായിരുന്നില്ല.
ആക്രമണത്തിൽ 85 ശതമാനത്തോളം ചലനശേഷി നഷ്ടപ്പെട്ടെങ്കിലും ബാക്കിയുണ്ടായിരുന്ന 15 ശതമാനം കരുത്തുമായി അദ്ദേഹം ജീവിതത്തിലേക്ക് തിരിച്ചുവന്നു. ചക്രക്ക...
