‘ചായക്കാരന് മൂവര്ണ്ണക്കൊടി കാവിനിറത്തിലേക്ക് മാറ്റുന്നു’; വിവാദ ട്വീറ്റില് വിശദീകരണവുമായി ശശി തരൂര്.
താന് ട്വിറ്ററില് പങ്കുവെച്ച ചിത്രത്തില് രാഷ്ട്രീയ ചര്ച്ച ചൂടുപിടിക്കുന്നതിനിടെ വിശദീകരണ കമന്റുമായി കോണ്ഗ്രസ് എം.പി ശശി തരൂര്.
കെറ്റിലില് നിന്ന് ത്രിവര്ണ പതാകയുടെ നിറത്തില് അരിപ്പയിലേക്ക് ഒഴിക്കുന്ന 'ചായ', അരിപ്പയില് നിന്ന് പുറത്തേക്ക് വരുമ്പോള് കാവി നിറം മാത്രമായി മാറുന്ന ഒരു പ്രതീകാത്മക ചിത്രമായിരുന്നു ശശി തരൂര് ട്വീറ്റില് പങ്കുവെച്ചിരുന്നത്.
മുംബൈ ആസ്ഥാനമായി പ്രവര്ത്തിക്കുന്ന കലാകാരന് അഭിനവ് കഫാരെയുടെ ഗംഭീരമായ ഈ സൃഷ്ടി രാജ്യത്തിന്റെ ഇപ്പോഴത്തെ അവസ്ഥയെ സൂചിപ്പിക്കുന്നു എന്ന കുറിപ്പോടെയായിരുന്നു തരൂര് ചിത്രം പങ്കുവെച്ചിരുന്നത്.
എന്നാല് രാജ്യം കാവിവത്കരിക്കുന്നു എന്നാണോ, കോണ്ഗ്രസ് പാര്ട്ടി കാവിവത്കരിക്കപ്പെടുന്നു എന്നാണോ തരൂര് ഉദ്ദേശിച്ചത് എന്ന അര്ത്ഥത്തിലേക്ക് തരൂര് ചിത്രം പങ്കുവെച്ചതോടെ സോഷ്യല് മീഡിയ ചര്ച്ച മാറുകയായിരുന്നു.
കോണ്ഗ്രസ്സില് നിന്ന...