ഡാര്ക്ക് നെറ്റ് ലഹരിക്കേസ്; പ്രതികളുടെ കസ്റ്റഡി അപേക്ഷ കോടതി ഇന്ന് പരിഗണിക്കും
കേരളം നടുക്കിയ ഡാര്ക്ക് നെറ്റ് ലഹരിക്കേസിലെ മുഖ്യപ്രതി എഡിസൺ ബാബു, സുഹൃത്ത് അരുൺ തോമസ്, കെ വി ഡിയോൾ എന്നിവർക്കായുള്ള നാർക്കോട്ടിക്സ് കൺട്രോൾ ബ്യുറോയുടെ (എൻസിബി) കസ്റ്റഡി അപേക്ഷ ഇന്ന് കോടതി പരിഗണിക്കും. പ്രതികളെ ഒരുമിച്ച് ചോദ്യം ചെയ്താൽ കൂടുതൽ വിവരങ്ങൾ പുറത്തുവരുമെന്നും ഇവരുടെ ഇടപാട് വിപുലമായ നെറ്റ്വർക്ക് ആണെന്നും എൻസിബി കോടതിയിൽ അറിയിച്ചു.
കേസിലെ മുഖ്യപ്രതിയായ എഡിസൺ ആദ്യം വ്യക്തിപരമായ ഉപയോഗത്തിനായി ലഹരിമരുന്നു വാങ്ങുകയും പിന്നീട് ഇതിന്റെ വ്യാപാരത്തിലേർപ്പെടുകയുമായിരുന്നു. രണ്ടു വർഷം മുൻപാണ് ഡാർക്ക് വെബ്ബിൽ ‘കെറ്റാമെലോൺ’ എന്ന പേരിൽ എഡിസൺ സ്വതന്ത്ര ബ്രാൻഡ് ആരംഭിച്ചത്. വലിയതോതിൽ ഓർഡറുകൾ സ്വീകരിച്ച് കൃത്യസമയത്ത് ലഹരി വിതരണം നടത്തുന്നത് കെറ്റാമെലോണിന്റെ വിശ്വാസ്യത പിടിച്ചുപറ്റി.
ഡാർക്ക് വെബ്ബിലെ ‘ലെവൽ 4’ ലഹരി കടത്തുകാരനായി എഡിസൺ അറിയപ്പെടുകയും, കേരളം ഉൾപ്പെടെ രാജ്യത്തിന്റെ പല ഭാഗങ്ങളിലേക്...
