മഞ്ഞിൽ പൊതിഞ്ഞ് കൊളുക്കുമല; അവധിക്കാലം ആഘോഷിക്കാൻ സഞ്ചാരികളുടെ വൻതിരക്ക്
രാജകുമാരി: ക്രിസ്മസ്-പുതുവത്സര അവധിക്കാലം ആഘോഷിക്കാൻ ഇടുക്കിയിലെ കൊളുക്കുമലയിലേക്ക് സഞ്ചാരികളുടെ പ്രവാഹം. കഴിഞ്ഞ അഞ്ച് ദിവസത്തിനിടെ 11,214 പേരാണ് മലമുകളിലെ സൂര്യോദയവും തേയിലത്തോട്ടങ്ങളുടെ ഭംഗിയും ആസ്വദിക്കാനെത്തിയത്. ക്രിസ്മസ് ദിനത്തിൽ 2,244 പേരും ഡിസംബർ 27-ന് റെക്കോർഡ് എണ്ണമായ 3,060 പേരും കൊളുക്കുമല സന്ദർശിച്ചു.
സഞ്ചാരികളുടെ എണ്ണം വർധിച്ചതോടെ ചിന്നക്കനാൽ, സൂര്യനെല്ലി മേഖലകളിലെ ഹോട്ടലുകളും ഹോംസ്റ്റേകളും പൂർണ്ണമായും ബുക്ക് ചെയ്യപ്പെട്ട നിലയിലാണ്. പുതുവത്സരത്തോടനുബന്ധിച്ച് തിരക്ക് ഇനിയും വർധിക്കാനാണ് സാധ്യത.
സൂര്യോദയവും ഉയരവും: സമുദ്രനിരപ്പിൽ നിന്ന് 8000 അടി ഉയരത്തിൽ സ്ഥിതി ചെയ്യുന്ന കൊളുക്കുമല, ലോകത്തിലെ തന്നെ ഏറ്റവും ഉയരത്തിലുള്ള തേയിലത്തോട്ടങ്ങൾക്ക് പേരു കേട്ടതാണ്. ഇവിടത്തെ മനോഹരമായ സൂര്യോദയ കാഴ്ച സഞ്ചാരികളെ ആകർഷിക്കുന്ന പ്രധാന ഘടകമാണ്.
പാരമ്പര്യത്തിന്റെ ചായരുചി: 1935-ൽ ഇംഗ്ലണ്ടിൽ ...










