ബ്രിസ്റ്റോൾ മ്യൂസിയത്തിൽ വൻ മോഷണം: ഇന്ത്യയിൽനിന്നുള്ള അമൂല്യ വസ്തുക്കൾ ഉൾപ്പെടെ 600-ലേറെ പുരാവസ്തുക്കൾ നഷ്ടപ്പെട്ടു
ബ്രിസ്റ്റോൾ: ബ്രിട്ടീഷ് കൊളോണിയൽ കാലഘട്ടത്തിലെ ഇന്ത്യയിൽ നിന്നുള്ള നിരവധി പുരാവസ്തുക്കൾ ഉൾപ്പെടെ അറുന്നൂറിലധികം അമൂല്യ വസ്തുക്കൾ ബ്രിസ്റ്റോളിലെ മ്യൂസിയത്തിൽ നടന്ന മോഷണത്തിൽ നഷ്ടപ്പെട്ടു. മോഷണം നടന്ന് രണ്ട് മാസത്തിലേറെ കഴിഞ്ഞാണ് പോലീസ് ഈ വിവരം പുറത്തുവിട്ടത്.
സെപ്റ്റംബർ 25-ന് പുലർച്ചെ ഒരു മണിക്കും രണ്ടു മണിക്കും ഇടയിലാണ് മോഷണം നടന്നതെന്ന് പോലീസ് കണക്കാക്കുന്നു. സംഭവം നടന്ന സ്ഥലത്തുനിന്നുള്ള, അവ്യക്തമായ നാല് പുരുഷന്മാരുടെ സിസിടിവി ദൃശ്യങ്ങൾ പോലീസ് പുറത്തുവിട്ടിട്ടുണ്ട്. മോഷ്ടാക്കളെ തിരിച്ചറിയുന്നതിനായി പൊതുജനങ്ങളുടെ സഹായം തേടിയിരിക്കുകയാണ് പോലീസ്.
പിടിഐ വാർത്താ ഏജൻസിയുടെ റിപ്പോർട്ട് പ്രകാരം, ആനക്കൊമ്പിൽ നിർമ്മിച്ച ഒരു ബുദ്ധ വിഗ്രഹം, ഈസ്റ്റ് ഇന്ത്യാ കമ്പനി ഉദ്യോഗസ്ഥൻ ഉപയോഗിച്ചിരുന്ന അരപ്പട്ടയുടെ ബക്കിൾ എന്നിവയുൾപ്പെടെയുള്ള സാധനങ്ങൾ മോഷണം പോയവയിൽ ഉൾപ്പെടുന്നു.സാംസ്കാരികപരമായി ഏറെ മൂല്യ...
