“കുറ്റകരമായ ഭരണകൂട നിശബ്ദത”; പ്രധാനമന്ത്രിക്കെതിരെ രൂക്ഷവിമർശനവുമായി ‘ദീപിക’
കോട്ടയം: രാജ്യത്തെ ക്രൈസ്തവ സമൂഹത്തിന് നേരെ തുടർച്ചയായുണ്ടാകുന്ന അതിക്രമങ്ങളിൽ കേന്ദ്ര സർക്കാരിനും പ്രധാനമന്ത്രിക്കുമെതിരെ കടുത്ത ഭാഷയിൽ വിമർശനമുന്നയിച്ച് 'ദീപിക' ദിനപത്രം. ക്രൈസ്തവർ വേട്ടയാടപ്പെടുമ്പോഴും പ്രധാനമന്ത്രി പുലർത്തുന്ന മൗനം കുറ്റകരമാണെന്ന് പത്രം എഡിറ്റോറിയലിൽ കുറ്റപ്പെടുത്തി.
ഭരണകൂടത്തിന്റെ നിശബ്ദത: മതസ്വാതന്ത്ര്യത്തിന് നേരെ വലിയ തോതിലുള്ള ആക്രമണങ്ങൾ നടക്കുമ്പോഴും പ്രധാനമന്ത്രി യാതൊരു തരത്തിലും പ്രതികരിക്കാത്തത് ഭരണകൂടം നൽകുന്ന തെറ്റായ സന്ദേശമാണ്. മോദിയുടെ ഈ മൗനം പുതുമയുള്ളതല്ലെന്നും ലേഖനം പരിഹസിക്കുന്നു. രാജ്യത്തിന്റെ വിവിധ ഭാഗങ്ങളിൽ ക്രിസ്മസ് ആഘോഷങ്ങൾ തടസ്സപ്പെടുത്തുകയും കരോൾ സംഘങ്ങളെ ആക്രമിക്കുകയും ചെയ്ത സംഭവങ്ങൾ ചൂണ്ടിക്കാട്ടിയാണ് വിമർശനം. പലയിടങ്ങളിലും ആഘോഷങ്ങൾ വിലക്കുന്ന സാഹചര്യവുമുണ്ടായി.കോടതിയെ സമീപിക്കണം: ഇത്തരം ആക്രമണങ്ങൾക്കെതിരെ ബിജെപി സർക്കാരിന് നിവേദനം നൽകിയി...
