നിധി അഗർവാളിന് നേരെ ആൾക്കൂട്ടത്തിന്റെ അതിക്രമം;”ഹൈനകളെക്കാൾ കഷ്ടം”,സംഭവത്തിൽ പ്രതികരിച്ച് ചിന്മയി ശ്രീപാദ
ഹൈദരാബാദ്: പ്രഭാസ് നായകനാകുന്ന 'ദി രാജാസാബ്' (The Raja Saab) എന്ന ചിത്രത്തിന്റെ ഓഡിയോ ലോഞ്ച് ചടങ്ങിനിടെ നടി നിധി അഗർവാളിന് നേരിടേണ്ടി വന്ന ദുരനുഭവം സിനിമാ ലോകത്ത് വലിയ പ്രതിഷേധത്തിന് കാരണമാകുന്നു. ഹൈദരാബാദിൽ നടന്ന ചടങ്ങിന് ശേഷം മടങ്ങുകയായിരുന്ന നടിയെ ഒരു സംഘം ആരാധകർ വളയുകയും അപമര്യാദയായി പെരുമാറുകയായിരുന്നു.
തിരക്കിനിടയിൽ പെട്ടുപോയ താരം ഏറെ പ്രയാസപ്പെട്ടാണ് കാറിനടുത്തേക്ക് നീങ്ങിയത്. സുരക്ഷാ ഉദ്യോഗസ്ഥർ ഉണ്ടായിരുന്നിട്ടും ആൾക്കൂട്ടത്തെ നിയന്ത്രിക്കാനായില്ല. ഇതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രചരിച്ചതോടെ വലിയ രീതിയിലുള്ള വിമർശനങ്ങളാണ് ഉയരുന്നത്. കുകട്ട്പള്ളി ഹൗസിങ് ബോർഡ് പൊലീസ് സംഭവത്തിൽ കേസെടുത്ത് അന്വേഷണം ആരംഭിച്ചിട്ടുണ്ട്.
സംഭവത്തിൽ പ്രതികരണവുമായി പ്രശസ്ത ഗായിക ചിന്മയി ശ്രീപാദ രംഗത്തെത്തി. എക്സിലൂടെയായിരുന്നു (X) അവരുടെ രൂക്ഷമായ പ്രതികരണം."കഴുതപ്പുലികളേക്കാൾ മോശമായി പെരുമ...
