പത്ത് ദിവസത്തെ എം.എൽ.എ; ആര്യാടന് വേണ്ടി സീറ്റ് ഒഴിഞ്ഞ സി. ഹരിദാസ്
പൊന്നാനി: കേരളം മറ്റൊരു നിയമസഭാ തിരഞ്ഞെടുപ്പിന്റെ ആവേശത്തിലേക്ക് കടക്കുമ്പോൾ, ചരിത്രത്തിന്റെ ഭാഗമായ ഒരു പഴയ കോൺഗ്രസ് നേതാവിനെ ഓർക്കാതെ രാഷ്ട്രീയ വിശേഷങ്ങൾ പൂർണ്ണമാകില്ല. നിലമ്പൂരിന്റെ അമരക്കാരനായിരുന്ന ആര്യാടൻ മുഹമ്മദിന് വേണ്ടി തന്റെ എം.എൽ.എ പദവി രാജിവെച്ച സി. ഹരിദാസാണ് ആ നേതാവ്. 81-ാം വയസ്സിലും രാഷ്ട്രീയത്തിലെ പുതിയ ചലനങ്ങൾ സൂക്ഷ്മമായി നിരീക്ഷിക്കുന്ന ആവേശം അദ്ദേഹത്തിനുണ്ട്.
1980-ലെ തിരഞ്ഞെടുപ്പ്: അടിയന്തരാവസ്ഥയ്ക്ക് ശേഷം എ.കെ. ആന്റണിയുടെ നേതൃത്വത്തിലുള്ള കോൺഗ്രസ് വിഭാഗം ഇടതുപക്ഷത്തിനൊപ്പം നിന്ന കാലമായിരുന്നു അത്. മലപ്പുറം ഡി.സി.സി പ്രസിഡന്റായിരുന്ന ഹരിദാസിനെ ആര്യാടൻ മുഹമ്മദ് നിർബന്ധിച്ചാണ് നിലമ്പൂരിൽ മത്സരിപ്പിച്ചത്.അന്ന് കോൺഗ്രസിലായിരുന്ന ടി.കെ. ഹംസയെ 6,423 വോട്ടുകൾക്ക് പരാജയപ്പെടുത്തി ഹരിദാസ് നിയമസഭയിലെത്തി. ഇ.എം.എസ് നമ്പൂതിരിപ്പാടാണ് അന്ന് ഹരിദാസിനെ വോട്ടർമാർക്ക് മുന്നിൽ അവതരിപ്പി...
