ഏഷ്യയിലെ ചൂട് കൂടുന്നു ; മുന്നറിയിപ്പ്
ലോകത്തിന്റെ മറ്റ് ഭാഗങ്ങളെ അപേക്ഷിച്ച് ഏഷ്യയിൽ ചൂട് കൂടുന്നത് ഇരട്ടി വേഗത്തിലെന്ന് ലോക കാലാവസ്ഥാ സംഘടനയുടെ (WMO) റിപ്പോർട്ട്.1961-1990 കാലഘട്ടത്തേതിനെക്കാള് 1991-2024ല് ചൂട് ഇരട്ടിയായി എന്ന് റിപ്പോര്ട്ട് ചൂണ്ടിക്കാട്ടുന്നു.ശരാശരി താപനിലയേക്കാൾ 1.04 ഡിഗ്രി സെൽഷ്യസ് വർധനവാണ് 2024 ൽ രേഖപ്പെടുത്തിയത്. ഏഷ്യയിലെ മിക്ക രാജ്യങ്ങളിലും താപനില ശരാശരിയേക്കാൾ കൂടുതലായിരുന്നു. 2024-ൽ ഇന്ത്യ ഉൾപ്പടെ ഏഷ്യയുടെ പല ഭാഗങ്ങളിലും നീണ്ടുനിൽക്കുന്ന തീവ്ര ഉഷ്ണതരംഗങ്ങൾ അനുഭവപ്പെട്ടു. രാജ്യത്തുടനീളം ഉഷ്ണ തരംഗങ്ങളിൽ 450ലധികം ആളുകൾക്ക് ജീവൻ നഷ്ടമായി.
ഏഷ്യയിൽ സമുദ്രോപരിതല താപനില ഓരോ ദശകത്തിലും 0.24°C എന്ന നിരക്കിൽ വർധിച്ചു. ഇത് ആഗോള ശരാശരിയായ 0.13°C യുടെ ഇരട്ടിയാണ്.1993 ജനുവരി മുതൽ 2024 നവംബർ വരെയുള്ള കാലയളവിൽ ഇന്ത്യൻ, പസഫിക് സമുദ്ര പ്രദേശങ്ങളിലെ സമുദ്രനിരപ്പ് ഉയരുന്നതിന്റെ നിരക്ക് ആഗോള ശരാശരിയേക്കാൾ കൂടുതലായതിന...
