ഇതിഹാസതാരം ട്രാക്കിലേക്ക് മടങ്ങുന്നു? മൈക്കൽ ഷൂമാക്കറുടെ ആരോഗ്യനിലയിൽ അത്ഭുതകരമായ പുരോഗതി
ജനീവ: ഫോർമുല വൺ ഇതിഹാസം മൈക്കൽ ഷൂമാക്കറുടെ ആരോഗ്യനിലയിൽ നിർണ്ണായക പുരോഗതിയെന്ന് റിപ്പോർട്ടുകൾ. നീണ്ട 12 വർഷത്തെ കിടപ്പിലായ ജീവിതത്തിന് ശേഷം, ഷൂമാക്കർ വീൽചെയറിന്റെ സഹായത്തോടെ സഞ്ചരിച്ചു തുടങ്ങിയെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. കായിക ലോകം ‘മെഡിക്കൽ മിറാക്കിൾ’ എന്ന് വിശേഷിപ്പിക്കുന്ന മാറ്റമാണ് ഏഴ് തവണ ലോക ചാമ്പ്യനായ താരത്തിന്റെ കാര്യത്തിൽ സംഭവിച്ചിരിക്കുന്നത്.
യാദൃശ്ചികമായുണ്ടായ ഒരു മാറ്റമല്ലിതെന്ന് അദ്ദേഹവുമായി അടുത്ത വൃത്തങ്ങൾ സൂചിപ്പിക്കുന്നു. ഷൂമാക്കറുടെ ഭാര്യ കൊറീനയുടെ അചഞ്ചലമായ നിശ്ചയദാർഢ്യവും സ്നേഹവുമാണ് ഈ മാറ്റത്തിന് പിന്നിൽ. സ്വിറ്റ്സർലൻഡിലെയും സ്പെയിനിലെയും വസതികളിൽ ലോകോത്തര നിലവാരത്തിലുള്ള ചികിത്സാ സൗകര്യങ്ങളാണ് അവർ ഒരുക്കിയത്. 24 മണിക്കൂറും സജ്ജമായ മെഡിക്കൽ സംഘം, ഫിസിയോതെറാപ്പിസ്റ്റുകൾ, നാഡീവ്യവസ്ഥയെ ഉത്തേജിപ്പിക്കാനുള്ള വിദഗ്ധ തെറാപ്പിസ്റ്റുകൾ എന്നിവര...
