വലവിരിച്ച് കേന്ദ്രം; 9.42 ലക്ഷത്തിലധികം സിം കാര്ഡുകള് ബ്ലോക്ക് ചെയ്തു
രാജ്യത്ത് സൈബര് കുറ്റകൃത്യങ്ങള് തടയുന്നതിനുള്ള നിരന്തരമായ ശ്രമങ്ങള് ഫലം കാണുന്നതായി കേന്ദ്ര സര്ക്കാര്. സൈബര് തട്ടിപ്പുകളിലൂടെ നഷ്ടപ്പെടാന് സാധ്യതയുണ്ടായിരുന്ന 5,489 കോടി രൂപയിലധികം തുക ഇതിനോടകം സംരക്ഷിക്കാനായെന്ന് കേന്ദ്രസര്ക്കാര് അറിയിച്ചു. 9.42 ലക്ഷത്തിലധികം സിം കാര്ഡുകളും 2.63 ലക്ഷത്തിലധികം ഐഎംഇഐ നമ്പറുകളും ബ്ലോക്ക് ചെയ്തതായും കേന്ദ്രം വ്യക്തമാക്കി. സൈബര് കുറ്റകൃത്യങ്ങള് സമഗ്രവും ഏകോപിതവുമായ രീതിയില് കൈകാര്യം ചെയ്യുന്നതിനുള്ള സംവിധാനങ്ങള് ശക്തിപ്പെടുത്തുന്നതിനായി ആഭ്യന്തര മന്ത്രാലയം വിവിധ നടപടികളാണ് സ്വീകരിച്ചിരിക്കുന്നത്.
ഇന്ത്യന് സൈബര് ക്രൈം കോര്ഡിനേഷന് സെന്റര് : എല്ലാത്തരം സൈബര് കുറ്റകൃത്യങ്ങളെയും ഏകോപിതമായും സമഗ്രമായും നേരിടുന്നതിനായി ആഭ്യന്തര മന്ത്രാലയം ഒരു പ്രത്യേക വിഭാഗമായി ഐ4സി (I4C) സ്ഥാപിച്ചു.
നാഷണല് സൈബര് ക്രൈം റിപ്പോര്ട്ടിംഗ് പോര്ട്ടല് : I4C-യു...
