സാൻഫ്രാൻസിസ്കോ: മനുഷ്യന്റെ ആയുസ്സ് നീട്ടുന്നതിനും മരണത്തെ പരാജയപ്പെടുത്തുന്നതിനും ശാസ്ത്രത്തിന് കഴിയുമെന്ന ആത്മവിശ്വാസവുമായി ടെസ്ല സി.ഇ.ഒ ഇലോൺ മസ്ക്. പ്രായമാകൽ മൂലമുള്ള മരണം (Natural Death) വൈകിപ്പിക്കുകയോ പൂർണ്ണമായി ഇല്ലാതാക്കുകയോ ചെയ്യുന്നത് ശാസ്ത്രീയമായി സാധ്യമാണെന്നും ‘ഭാഗിക അനശ്വരത്വം’ (Semi-immortality) കൈവരിക്കാൻ മനുഷ്യരാശിക്ക് കഴിയുമെന്നുമാണ് അദ്ദേഹം അവകാശപ്പെടുന്നത്. ‘മൂൺഷോട്ട്’ (Moonshot) പോഡ്കാസ്റ്റിലാണ് മസ്ക് തന്റെ പുതിയ കാഴ്ചപ്പാടുകൾ പങ്കുവെച്ചത്.
ശരീരത്തിലെ ‘പ്രീ-പ്രോഗ്രാംഡ് ക്ലോക്ക്’
ശരീരം പ്രായമാകുന്നത് ഒരു ജൈവിക പ്രോഗ്രാമിംഗിന്റെ ഭാഗമാണെന്ന് മസ്ക് നിരീക്ഷിക്കുന്നു.
സിൻക്രണൈസേഷൻ: ഒരാളുടെ വലതുകൈയ്ക്ക് വയസ്സാവുകയും ഇടതുകൈ ചെറുപ്പമായിരിക്കുകയും ചെയ്യുന്നില്ല. ശരീരം മുഴുവൻ ഒരേപോലെ പ്രായമാകുന്നത് ഉള്ളിലെ ഒരു ക്ലോക്ക് എല്ലാ പ്രക്രിയകളെയും ഏകോപിപ്പിക്കുന്നത് (Synchronize) കൊണ്ടാണ്.
മാറ്റിവരയ്ക്കാവുന്ന പ്രോഗ്രാം: ഈ ജൈവ ക്ലോക്കിലെ പ്രോഗ്രാമിംഗിൽ മാറ്റം വരുത്താൻ സാധിച്ചാൽ, പ്രായമാകൽ പ്രക്രിയയെ നിയന്ത്രിക്കാനും അതുവഴി ആയുസ്സ് ഗണ്യമായി വർദ്ധിപ്പിക്കാനും സാധിക്കുമെന്ന് മസ്ക് വാദിക്കുന്നു.
ടെക് ഭീമന്മാരുടെ പോരാട്ടം.മസ്കിന് മുൻപേ തന്നെ സിലിക്കൺ വാലിയിലെ മറ്റു പ്രമുഖരും ഈ മേഖലയിൽ കോടികൾ നിക്ഷേപിച്ചിട്ടുണ്ട്:സാം ഓൾട്ട്മാൻ (OpenAI): ‘റെട്രോ ബയോസയൻസസ്’ എന്ന സ്ഥാപനത്തിൽ 180 ദശലക്ഷം ഡോളറാണ് ഇദ്ദേഹം നിക്ഷേപിച്ചിരിക്കുന്നത്. മനുഷ്യന്റെ ആരോഗ്യകരമായ ആയുസ്സ് 10 വർഷമെങ്കിലും വർദ്ധിപ്പിക്കുക എന്നതാണ് ഇവരുടെ ലക്ഷ്യം.
ബ്രയൻ ജോൺസൺ: സ്വന്തം ശരീരത്തിൽ തന്നെ പ്രായമാകൽ വിരുദ്ധ പരീക്ഷണങ്ങൾ നടത്തി ശ്രദ്ധേയനായ ഇദ്ദേഹം ‘ബ്ലൂപ്രിന്റ്’ എന്ന പദ്ധതിയിലൂടെ ആയുസ്സ് വർദ്ധിപ്പിക്കാനുള്ള ഗവേഷണങ്ങൾ തുടരുകയാണ്.
ചൊവ്വയിൽ കോളനി സ്ഥാപിക്കാനുള്ള ശ്രമങ്ങൾക്കിടയിൽ മസ്കിന്റെ ശ്രദ്ധ ഈ മേഖലയിലേക്ക് കൂടി തിരിയുന്നത് വലിയ പ്രതീക്ഷയോടെയാണ് ശാസ്ത്രലോകം കാണുന്നത്. സങ്കീർണ്ണമായ ബയോടെക്നോളജി ടൂളുകൾ ഉപയോഗിച്ച് മരണത്തെ ഒരു പരിഹരിക്കാവുന്ന പ്രശ്നമായി മാറ്റാൻ കഴിയുമെന്നാണ് അദ്ദേഹം വിശ്വസിക്കുന്നത്.