മുതിർന്ന താരം സണ്ണി ഡിയോളിനോടുള്ള വരുൺ ധവാന്റെ ആദരവ് ആരാധകരുടെ ഹൃദയം കീഴടക്കി. ചടങ്ങിൽ നിന്നുള്ള പ്രസക്ത നിമിഷങ്ങൾ ഇവയാണ്.ഫോട്ടോയ്ക്ക് പോസ് ചെയ്യുന്നതിനിടെ അരികിലെത്തിയ വരുൺ ധവാൻ, സണ്ണി ഡിയോളിനെ കെട്ടിപ്പിടിക്കുകയും തുടർന്ന് അദ്ദേഹത്തിന്റെ കാൽതൊട്ട് വന്ദിക്കുകയും ചെയ്തു. സണ്ണി ഡിയോൾ വാത്സല്യത്തോടെ വരുണിന്റെ കൈ പിടിച്ച് ആകാശത്തേക്ക് ഉയർത്തി വിജയചിഹ്നം കാണിച്ചു.സണ്ണി ഡിയോൾ, വരുൺ ധവാൻ എന്നിവർക്ക് പുറമെ സുനിൽ ഷെട്ടി, അഹാൻ ഷെട്ടി, ആതിയ ഷെട്ടി, കെ.എൽ. രാഹുൽ തുടങ്ങി വലിയൊരു താരനിര തന്നെ പരിപാടിയിൽ പങ്കെടുത്തു.
അനുരാഗ് സിംഗ് സംവിധാനം ചെയ്യുന്ന ‘ബോർഡർ-2’, 1971-ലെ ഇന്ത്യ-പാകിസ്താൻ യുദ്ധത്തെ ആസ്പദമാക്കിയാണ് ഒരുങ്ങുന്നത്. സണ്ണി ഡിയോൾ, വരുൺ ധവാൻ, ദിൽജിത്ത് ദോസഞ്ച്, അഹാൻ ഷെട്ടി എന്നിവരാണ് പ്രധാന വേഷങ്ങളിൽ.1997-ൽ പുറത്തിറങ്ങിയ ആദ്യ ഭാഗം ഇന്ത്യൻ സിനിമയിലെ തന്നെ ഏറ്റവും വലിയ യുദ്ധചിത്രങ്ങളിൽ ഒന്നായാണ് കണക്കാക്കപ്പെടുന്നത്. ആ പാരമ്പര്യം രണ്ടാം ഭാഗവും നിലനിർത്തുമെന്ന പ്രതീക്ഷയിലാണ് സിനിമാ പ്രേമികൾ.