ലതേഷ് വധക്കേസ്: ഏഴ് ആർ.എസ്.എസ് പ്രവർത്തകർക്ക് ജീവപര്യന്തം ശിക്ഷ വിധിച്ച് തലശ്ശേരി കോടതി

തലശ്ശേരി: സി.പി.ഐ.എം നേതാവും മത്സ്യത്തൊഴിലാളി യൂണിയൻ (സി.ഐ.ടി.യു) ഭാരവാഹിയുമായിരുന്ന കെ. ലതേഷിനെ കൊലപ്പെടുത്തിയ കേസിൽ ഒന്ന് മുതൽ ഏഴ് വരെയുള്ള പ്രതികൾക്ക് തലശ്ശേരി അഡീഷണൽ ജില്ലാ സെഷൻസ് കോടതി ജീവപര്യന്തം തടവ് ശിക്ഷ വിധിച്ചു. 2008-ൽ നടന്ന ക്രൂരമായ കൊലപാതകത്തിലാണ് 17 വർഷങ്ങൾക്ക് ശേഷം വിധി വരുന്നത്.

​കോടതി ശിക്ഷിച്ച ഏഴ് പ്രതികൾ ഇവരാണ്:
​പി. സുമിത്ത് (കുട്ടൻ – 38) – തലായി പൊക്കായി ഹൗസ്
​കെ.കെ. പ്രജീഷ് ബാബു (46) – കൊമ്മൽ വയൽ വിശ്വവസന്തം
​ബി. നിധിൻ (നിധു – 37) – തലായി ബംഗാളി ഹൗസ്
​കെ. സനൽ (ഇട്ടു – 37) – പുലിക്കൂൽ ഹൗസ്
​സ്മിജോഷ് (തട്ടിക്കുട്ടൻ – 42) – പാറേമ്മൽ ഹൗസ്
​സജീഷ് (ജിഷു – 37) – കുനിയിൽ ഹൗസ്
​വി. ജയേഷ് (39) – പഴയമഠം

കൊലപാതകം: 2008 ഡിസംബർ 31-ന് രാത്രിയാണ് തലശ്ശേരി തലായിൽ വെച്ച് ലതേഷിനെ പ്രതികൾ ചേർന്ന് വെട്ടിക്കൊലപ്പെടുത്തിയത്. രാഷ്ട്രീയ വൈരാഗ്യമായിരുന്നു കൊലപാതകത്തിന് പിന്നിലെന്ന് പ്രോസിക്യൂഷൻ കണ്ടെത്തി.
​മറ്റ് പ്രതികൾ: കേസിലെ എട്ടാം പ്രതി വിചാരണ കാലയളവിൽ മരിച്ചിരുന്നു. ഒൻപത് മുതൽ പന്ത്രണ്ട് വരെയുള്ള പ്രതികളെ തെളിവുകളുടെ അഭാവത്തിൽ കോടതി വെറുതെ വിട്ടു.സി.പി.ഐ.എം തലായി ബ്രാഞ്ച് സെക്രട്ടറിയും പ്രദേശത്തെ സജീവ രാഷ്ട്രീയ പ്രവർത്തകനുമായിരുന്നു കെ. ലതേഷ്.​പ്രതികൾക്ക് ശിക്ഷയ്ക്ക് പുറമെ പിഴയും കോടതി വിധിച്ചിട്ടുണ്ട്. ഏറെക്കാലമായി നീണ്ടുനിന്ന നിയമപോരാട്ടത്തിനൊടുവിലാണ് ലതേഷിന്റെ കുടുംബത്തിന് നീതി ലഭിക്കുന്നത്.