കൊച്ചി: നടി മധുബാലയും നടൻ ഇന്ദ്രൻസും കേന്ദ്രകഥാപാത്രങ്ങളെ അവതരിപ്പിക്കുന്ന ‘ചിന്ന ചിന്ന ആസൈ’ എന്ന ചിത്രത്തിന്റെ സെക്കന്റ് ലുക്ക് പോസ്റ്റർ റിലീസ് ചെയ്തു. പ്രശസ്ത നടി മഞ്ജു വാര്യരുടെ ഔദ്യോഗിക സോഷ്യൽ മീഡിയ പേജുകളിലൂടെയാണ് പോസ്റ്റർ പ്രേക്ഷകരിലേക്ക് എത്തിച്ചത്.
വർഷാ വാസുദേവാണ് ഈ ചിത്രത്തിന്റെ സംവിധാനം നിർവഹിക്കുന്നത്. പ്രേക്ഷക ശ്രദ്ധ നേടിയ ഹ്രസ്വചിത്രം ‘എന്റെ നാരായണിക്ക്’ ശേഷം വർഷാ വാസുദേവ് ഒരുക്കുന്ന ചിത്രം കൂടിയാണിത്. സംവിധായിക തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്.ഒരു ഇടവേളയ്ക്ക് ശേഷം ശക്തമായൊരു കേന്ദ്ര കഥാപാത്രവുമായി മധുബാല മലയാള സിനിമയിലേക്ക് തിരിച്ചെത്തുകയാണ് ഈ ചിത്രത്തിലൂടെ. വേറിട്ട അഭിനയ മുഹൂർത്തങ്ങളിലൂടെ ഇന്ദ്രൻസും പ്രേക്ഷകരുടെ മനസ്സിൽ ഇടം നേടുമെന്ന പ്രതീക്ഷയിലാണ് അണിയറപ്രവർത്തകർ.
ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ‘ചിന്ന ചിന്ന ആസൈ’യുടെ നിർമ്മാണം നിർവഹിക്കുന്നത്.
ഗോവിന്ദ് വസന്ത ഒരുക്കിയ ഹൃദയ സ്പർശിയായ സംഗീതത്തിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. ചിത്രീകരണം പൂർണ്ണമായും വാരണാസിയിൽ പൂർത്തിയാക്കി. 2026-ന്റെ തുടക്കത്തിൽ ചിത്രം തീയേറ്ററുകളിൽ എത്തുമെന്നാണ് പ്രതീക്ഷ.
നേരത്തെ, തമിഴ് സംവിധായകൻ മണിരത്നമാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടത്.
ചിത്രത്തിന്റെ ഛായാഗ്രഹണം ഫയിസ് സിദ്ധിക്ക്,സംഗീതംഗോവിന്ദ് വസന്ത,എഡിറ്റർറെക്ക്സൺ ജോസഫ്,പ്രൊഡക്ഷൻ കൺട്രോളർ പ്രശാന്ത് നാരായൺ,ആർട്ട് ഡയറക്റ്റർ: സാബു മോഹൻ,വസ്ത്രാലങ്കാരം സമീറാ സനീഷ്,മേക്കപ്പ് രഞ്ജിത്ത് അമ്പാടി,സൗണ്ട് ഡിസൈനർ രംഗനാഥ് രവി,കൊറിയോഗ്രാഫർ ബ്രിന്ദാ,ഗായകർ ചിന്മയി ശ്രീപദ, കപിൽ കപിലൻ, ശ്രുതി ശിവദാസ്, ശിഖ ജോഷി, ഗോവിന്ദ് വസന്ത എന്നിവരാണ്
.