തിരഞ്ഞെടുപ്പില് ഒറ്റയ്ക്ക് മല്സരിച്ച് എസ്.ഡി.പി.ഐ നിര്ണായക മുന്നേറ്റം നടത്തി. കൊല്ലം കോര്പറേഷനില് സിറ്റിങ് സീറ്റ് നിലനിര്ത്തി. തിരുവനന്തപുരം ജില്ലയില് ഇതു വരെ വിവിധ ഗ്രാമപ്പഞ്ചായത്തുകളിലായി എട്ടു സീറ്റില് വിജയിച്ചു. കോര്പറേഷനില് പല ഡിവിഷനുകളിലും ഇഞ്ചോടിഞ്ചു മല്സരമാണ് കാഴ്ചവെച്ചത്. ആലപ്പുഴ, പത്തനംതിട്ട, തിരുവല്ല, പെരുമ്പാവൂര്, ഈരാറ്റുപേട്ട, ഇരിട്ടി നഗരസഭകളില് എസ്.ഡി.പി.ഐ വന് മുന്നേറ്റമാണ് നടത്തിയത്.
പത്തനംതിട്ട നഗരസഭയില് മൂന്നു സീറ്റുകള് നേടി. ഈരാറ്റുപേട്ട നഗരസഭയില് അഞ്ചു സീറ്റുകള് നേടി.
തിരുവനന്തപുരം (9), കൊല്ലം (6), പത്തനംതിട്ട (4), ആലപ്പുഴ (11), കോട്ടയം (9), ഇടുക്കി (1), കാസര്ഗോഡ് (7), കണ്ണൂര് (9), കോഴിക്കോട് (3), മലപ്പുറം (4), പാലക്കാട് (5), തൃശൂര് (4), എറണാകുളം (4) സീറ്റുകളാണ് ഉച്ചയ്ക്ക് 12 വരെ നേടിയത്.