Election

കൊച്ചി: യുഡിഎഫിന് മേൽക്കൈയുള്ള എറണാകുളം ജില്ലയിൽ മൂന്ന് മണ്ഡലങ്ങളിൽ സ്വതന്ത്ര സ്ഥാനാർത്ഥികളെ രംഗത്തിറക്കാൻ CPI(M) ഒരുങ്ങുന്നു. എറണാകുളം, തൃക്കാക്കര, ആലുവ മണ്ഡലങ്ങളിലാണ് പാർട്ടി സ്വതന്ത്രരെ പരിഗണിക്കുന്നത്. ആലുവയിൽ വ്യാപാരി വ്യവസായി ഏകോപന സമിതി ജില്ലാ അധ്യക്ഷൻ എ.ജെ. റിയാസിനെ പരിഗണിക്കുന്നതായി വിവരം. 2011 മുതൽ അന്‍വര്‍ സാദത്ത് ആണ് മണ്ഡലത്തെ പ്രതിനിധീകരിക്കുന്നത്. 2006ലെ തിരഞ്ഞെടുപ്പിൽ സിപിഐഎമ്മിന്റെ എ.എം. യൂസഫ് ഇവിടെ നിന്ന് വിജയിച്ചിരുന്നു. തൃക്കാക്കരയിൽ ഡോ. റോൺ ബാസ്റ്റ്യനെയാണ് സ്വതന്ത്രനായി പരിഗണിക്കുന്നത്. മുൻ എസ്എഫ്ഐ നേതാവും വിദ്യാർത്ഥി രാഷ്ട്രീയത്തിൽ സജീവ സാന്നിധ്യവുമായിരുന്നു അദ്ദേഹം. മുൻ എംപി സെബാസ്റ്റ്യൻ പോൾയുടെ മകനാണ് റോൺ ബാസ്റ്റ്യൻ. 2022ലെ ഉപതിരഞ്ഞെടുപ്പിൽ വിജയിച്ച ഉമാ തോമസ് ആണ് നിലവിലെ എംഎൽഎ. എറണാകുളം മണ്ഡലത്തിൽ സംവിധായകനും നടനുമായ സോഹൻ സീനു ലാൽയെ സിപിഐഎം പരിഗണിക്ക...

കണ്ണൂർ: നിയമസഭാ തെരഞ്ഞെടുപ്പിൽ പേരാവൂരിൽ നിന്ന് CPI(M) സ്ഥാനാർത്ഥിയായി മുൻ മന്ത്രി കെ കെ ശൈലജ മത്സരിക്കും. ജില്ലാ സെക്രട്ടേറിയറ്റ് യോഗത്തിലാണ് തീരുമാനം. നിലവിലെ മണ്ഡലമായ മട്ടന്നൂരിന് പകരമാണ് ശൈലജയെ പേരാവൂരിൽ ഇറക്കുന്നത്. മട്ടന്നൂരിൽ ഡിവൈഎഫ്‌ഐ സംസ്ഥാന സെക്രട്ടറി വി.കെ. സനോജ് മത്സരിക്കും. സണ്ണി ജോസഫ് കഴിഞ്ഞ മൂന്ന് തവണയും വിജയിച്ച മണ്ഡലമാണ് പേരാവൂർ. Indian National Congress നേതാവായ സണ്ണി ജോസഫ് വീണ്ടും യുഡിഎഫ് സ്ഥാനാർത്ഥിയാകുമെന്ന സൂചനയുണ്ട്. യുഡിഎഫിന്റെ കോട്ടയായി കണക്കാക്കുന്ന മണ്ഡലം ജനകീയ പ്രതിച്ഛായയുള്ള ശൈലജയെ ഇറക്കി തിരിച്ചുപിടിക്കാനാണ് ഇടതുപക്ഷത്തിന്റെ നീക്കം. 2006ൽ പേരാവൂരിൽ നിന്ന് വിജയിച്ച ശൈലജ 2011ൽ സണ്ണി ജോസഫിനോട് പരാജയപ്പെട്ടിരുന്നു. ഇക്കുറി ഇരുവരും വീണ്ടും നേർക്കുനേർ വന്നാൽ കടുത്ത മത്സരത്തിനായിരിക്കും മണ്ഡലം സാക്ഷ്യംവഹിക്കുക. അതേസമയം, തളിപ്പറമ്പ് മണ്ഡലത്തിൽ ആന്തൂർ നഗരസഭ മുൻ അധ്യക്...

തിരുവനന്തപുരം: നിയമസഭാ തെരഞ്ഞെടുപ്പ് അടുത്തിരിക്കെ സിപിഐഎം സ്ഥാനാർഥി നിർണയ നടപടികൾ വേഗത്തിലാക്കുന്നു. നാളെ ചേരുന്ന സംസ്ഥാന സെക്രട്ടേറിയറ്റ് യോഗത്തിൽ അന്തിമ സ്ഥാനാർഥി പട്ടികയ്ക്ക് രൂപം നൽകും. ജില്ലാ സെക്രട്ടേറിയറ്റുകൾ സമർപ്പിച്ച പട്ടികകളുടെ അടിസ്ഥാനത്തിലായിരിക്കും അന്തിമ തീരുമാനമെടുക്കുക. മറ്റന്നാൾ ചേരുന്ന സംസ്ഥാന കമ്മിറ്റി യോഗം പട്ടികയ്ക്ക് ഔദ്യോഗിക അംഗീകാരം നൽകും. തുടർന്ന് സ്ഥാനാർഥി പട്ടിക അതത് ജില്ലാ കമ്മിറ്റികളിൽ അവതരിപ്പിക്കും. ഞായറാഴ്ച നടക്കുന്ന സംസ്ഥാന സെക്രട്ടേറിയറ്റ് യോഗത്തിന് ശേഷം ഔദ്യോഗിക പ്രഖ്യാപനം ഉണ്ടാകുമെന്നാണ് വിവരം. സീറ്റ് വിഭജനം വെള്ളിയാഴ്ചയ്ക്കകം പൂർത്തിയാക്കാനാണ് പാർട്ടി നേതൃത്വം ലക്ഷ്യമിടുന്നത്. അതേസമയം, കണ്ണൂർ ജില്ലയിലെ സ്ഥാനാർഥി പട്ടികയ്ക്ക് ജില്ലാ സെക്രട്ടേറിയറ്റ് അംഗീകാരം നൽകിയിട്ടുണ്ട്. പേരാവൂരിൽ കെ.കെ. ശൈലജ, തലശേരിയിൽ കാരായി രാജൻ, കല്യാശേരിയിൽ എം. വിജിൻ, പയ്...

തിരുവനന്തപുരം: വരാനിരിക്കുന്ന നിയമസഭാ തിരഞ്ഞെടുപ്പിൽ സി.പി.ഐയുടെ നാല് മന്ത്രിമാരും മത്സരിക്കുമെന്ന് സംസ്ഥാന സെക്രട്ടേറിയറ്റ് യോഗത്തിൽ തീരുമാനം. നിലവിലെ സിറ്റിംഗ് സീറ്റുകളിൽ തന്നെയാകും മന്ത്രിമാർ മത്സരിക്കുക. ജി.ആർ. അനില്‍ (നെടുമങ്ങാട്), ജെ. ചിഞ്ചുറാണി (ചടയമംഗലം), പി. പ്രസാദ് (ചേര്‍ത്തല), കെ. രാജന്‍ (ഒല്ലൂർ) എന്നിവരാണ് മത്സരിക്കുക. അതേസമയം മൂന്ന് ടേം പൂർത്തിയാക്കിയ ആറു എംഎൽഎമാരെ ഇത്തവണ മാറ്റാൻ തീരുമാനിച്ചു. ഇ. ചന്ദ്രശേഖരൻ, ഇ.കെ. വിജയൻ, ചിറ്റയം ഗോപകുമാർ, ജി.എസ്. ജയലാൽ, വി. ശശി, പി.എസ്. സുപാൽ എന്നിവരെയാണ് ഒഴിവാക്കിയത്. നാല് മന്ത്രിമാരുടേയും പ്രവർത്തനം മികച്ചതാണെന്ന വിലയിരുത്തലിലാണ് ഈ തീരുമാനം എടുത്തത്.കഴിഞ്ഞ തിരഞ്ഞെടുപ്പിൽ മത്സരിച്ച 25 മണ്ഡലങ്ങളിലും ഇത്തവണയും മത്സരിക്കാനാണ് പാർട്ടി തീരുമാനിച്ചിരിക്കുന്നത്....

എറണാകുളം: എറണാകുളത്ത് കെ.വി. തോമസിനെ എൽഡിഎഫ് സ്ഥാനാർഥിയാക്കാൻ ആലോചന. ജില്ലാ സെക്രട്ടറിയേറ്റ് സംസ്ഥാന നേതൃത്വത്തിന് കൈമാറിയ പട്ടികയിൽ കെ.വി. തോമസിന്റെ പേരുമുണ്ട്. കഴിഞ്ഞ ദിവസമാണ് എറണാകുളം ജില്ലാ സെക്രട്ടറിയേറ്റ് യോഗം ചേർന്ന് പട്ടിക തയ്യാറാക്കിയത്. കെ.വി. തോമസിനെ സ്ഥാനാർഥിയാക്കിയാൽ എറണാകുളം മണ്ഡലത്തിൽ വിജയസാധ്യത കൂടുതലാണെന്ന ജില്ലാ നേതൃത്വത്തിൻ്റെ വിലയിരുത്തലിനെ തുടർന്നാണ് പട്ടികയിൽ ഉൾപ്പെടുത്തിയത്.വൈപ്പിനിൽ കെ.എൻ. ഉണ്ണികൃഷ്ണൻ തന്നെ സ്ഥാനാർഥിയാകും. ആലുവയിൽ അഭിഭാഷക സംഘടന നേതാവ് എം.എ. നാസറിൻ്റെ പേരും നിർദേശിച്ചിട്ടുണ്ട്. പെരുമ്പാവൂർ സീറ്റ് മാണി വിഭാഗവുമായി വച്ചുമാറിയേക്കും....

കൊച്ചി: നിയമസഭാ തെരഞ്ഞെടുപ്പിൽ തൃപ്പൂണിത്തുറ മണ്ഡലത്തിൽ ഇടതുപക്ഷ സ്ഥാനാർത്ഥിയായി എം സ്വരാജ് മത്സരിക്കണമെന്ന ആവശ്യം സിപിഐഎം ജില്ലാ സെക്രട്ടറിയേറ്റ് യോഗത്തിൽ ഉയർന്നു. സ്വരാജ് മത്സരിച്ചാൽ വിജയസാധ്യതയുണ്ടെന്നാണ് വിലയിരുത്തൽ. സ്വരാജിനൊപ്പം മുൻ മേയറും പാർട്ടി സംസ്ഥാന കമ്മിറ്റി അംഗവുമായ എം അനിൽ കുമാർ എന്ന പേരും പരിഗണനയിലുണ്ട്. അതേസമയം എറണാകുളം ജില്ലയിലെ അഞ്ച് സിറ്റിങ് എംഎൽഎമാരെ വീണ്ടും മത്സരിപ്പിക്കാനും ധാരണയായി. പറവൂർ സീറ്റ് മാറ്റം സംബന്ധിച്ചും ആലോചന നടക്കുന്നു. കോൺഗ്രസിന്റെ സിറ്റിങ് സീറ്റായ തൃപ്പൂണിത്തുറയിൽ നിലവിലെ എംഎൽഎ കെ ബാബുയാണ്. 1991 മുതൽ 2016 വരെ തുടർച്ചയായി അദ്ദേഹം മണ്ഡലം പ്രതിനിധീകരിച്ചു. 2016ൽ സ്വരാജ് മണ്ഡലം ഇടതുപക്ഷത്തിന് തിരികെ പിടിച്ചെങ്കിലും 2021ലെ പോരാട്ടത്തിൽ യുഡിഎഫ് സ്ഥാനാർത്ഥിയായി കെ ബാബു വിജയിച്ചു. എന്നാൽ ഇത്തവണ മത്സരിക്കില്ലെന്ന് കെ ബാബു വ്യക്തമാക്കിയതോടെ കോൺഗ്രസ് പുതിയ സ്ഥാ...

കൊച്ചി : വരാനിരിക്കുന്ന നിയമസഭാ തിരഞ്ഞെടുപ്പിൽ തൃപ്പൂണിത്തുറ മണ്ഡലം പിടിച്ചെടുക്കാൻ പാർട്ടി നേതാക്കളെ തന്നെ കളത്തിലിറക്കി ബിജെപി. മണ്ഡലത്തിൽ പാർട്ടിക്ക് വിജയസാധ്യത കൂടുതലാണെന്ന വിലയിരുത്തലിന്റെ അടിസ്ഥാനത്തിലാണ് ഈ തീരുമാനം. സ്ഥാനാർത്ഥി നിർണ്ണയത്തിന് മുന്നോടിയായി കേന്ദ്ര നേതൃത്വവും സംസ്ഥാന നേതൃത്വവും നടത്തിയ സർവ്വേകളിൽ പാർട്ടി വക്താക്കളായ കെ വി എസ് ഹരിദാസ്, പി ശിവശങ്കരൻ, കൂടാതെ പാർട്ടി ട്രഷററും സ്ഥാപക നേതാവ് അയ്യപ്പൻ പിള്ളയുടെ മകനുമായ എ അനൂപ് എന്നിവരുടെ പേരുകൾക്കാണ് മുൻതൂക്കം ലഭിച്ചത്. സംസ്ഥാന നേതൃത്വം നിർദേശിച്ച സിനിമ മേഖലയിലെ പ്രമുഖരായ മേജർ രവി, ജയസൂര്യ, മധു ബാലകൃഷ്ണൻ, ശ്വേതാ മേനോൻ എന്നിവരെക്കാൾ നാട്ടുകാരും പാർട്ടി പ്രവർത്തകരും സർവ്വേയിൽ താൽപര്യം പ്രകടിപ്പിച്ചത് പാർട്ടി നേതാക്കളോടാണ്. കേന്ദ്ര നേതൃത്വത്തിന് സമർപ്പിച്ച അന്തിമ പട്ടികയിൽ കെ.വി.എസ് ഹരിദാസ്, എ. അനൂപ്, പി.ആർ ശിവശങ്കരൻ എന്നിവരു...

തൃശൂര്‍: നിയമസഭാ തെരഞ്ഞെടുപ്പില്‍ ബിജെപി സ്ഥാനാര്‍ഥിയായ പത്മജ വേണുഗോപാലിന്റെ ഔദ്യോഗിക പ്രചാരണത്തിന് നാളെ തുടക്കമാകും. സ്ഥാനാർഥിത്വം സ്ഥിരീകരിച്ചതിനെ തുടര്‍ന്ന് പത്മജ മണ്ഡലത്തിലെത്തി പ്രചാരണ പ്രവര്‍ത്തനങ്ങള്‍ക്ക് തുടക്കം കുറിക്കും. അയ്യന്തോൾ അമർജവാൻ സെന്ററിൽ ചുവരെഴുത്ത് നടത്തിയാണ് പ്രചാരണത്തിന് തുടക്കം കുറിക്കുന്നത്. പത്മജ തൃശൂരില്‍ സ്ഥാനാര്‍ഥിയാകുമെന്ന വാര്‍ത്ത ആദ്യം പുറത്തുവിട്ടത് ന്യൂസ് മലയാളം ആയിരുന്നു. ബിജെപി കേന്ദ്ര നേതൃത്വത്തിന്റെ തീരുമാനപ്രകാരമാണ് മത്സരിക്കാന്‍ ഒരുങ്ങുന്നതെന്ന് പത്മജ നേരത്തെ പ്രതികരിച്ചിരുന്നു. വെള്ളിയാഴ്ച മുതല്‍ മണ്ഡലത്തില്‍ സജീവമാകുമെന്നും അവര്‍ വ്യക്തമാക്കിയിരുന്നു. സുരേഷ് ഗോപി തനിക്കൊപ്പം പ്രചാരണങ്ങളില്‍ ഉണ്ടെങ്കില്‍ മാത്രമേ മത്സരിക്കൂ എന്ന് മുന്‍പ് പറഞ്ഞിരുന്നുവെന്ന സൂചനകളുണ്ടായിരുന്നു. സുരേഷ് ഗോപി പൂര്‍ണമായി തനിക്കൊപ്പം ഉണ്ടാകുമെന്ന് ഉറപ്പ് ലഭിച...