‘ഡിജിറ്റല് അറസ്റ്റ്’ തട്ടിപ്പുകേസിൽ ഇന്ത്യയിലെ ആദ്യത്തെ കോടതി വിധി: ഒമ്പത് പ്രതികൾ കുറ്റക്കാരായി
ഒരു കോടി രൂപ തട്ടിയെടുത്ത ‘ഡിജിറ്റൽ അറസ്റ്റ്’ തട്ടിപ്പുകേസിൽ ഒമ്പത് പ്രതികളെ പശ്ചിമബംഗാളിലെ കല്യാണി സബ്-ഡിവിഷണല് കോടതി കുറ്റക്കാരായി കണ്ടെത്തി. ഇന്ത്യയിൽ ഇതുമായി ബന്ധപ്പെട്ട് കോടതിയിലേക്ക് എത്തിയ ആദ്യ കേസാണിത്. മഹാരാഷ്ട്രയിലെ നാല് പേർ, ഹരിയാനയിലെ മൂന്ന് പേർ, ഗുജറാത്തിലെ രണ്ട് പേർ എന്നിവരാണ് കുറ്റക്കാരായി കണ്ടെത്തപ്പെട്ടത്.
റിട്ടയർ ചെയ്ത കാർഷിക ശാസ്ത്രജ്ഞൻ പാർത്ഥ കുമാർ മുഖോപാധ്യായ ഒരു കോടി രൂപ നഷ്ടപ്പെട്ടതായി 2024-ല് നൽകിയ പരാതിയിലാണ് അന്വേഷണം ആരംഭിച്ചത്. ഇയാളെ “ഡിജിറ്റല് അറസ്റ്റിന്റെ” ഭീഷണി കാട്ടിയാണ് തട്ടിപ്പുകാര് പണം കൈക്കലാക്കിയത്. ഇത് സംബന്ധിച്ച് ഭാരതീയ ന്യായസംഹിതയുടെയും ഐടി ആക്ടിന്റെയും വകുപ്പുകൾ പ്രകാരം തട്ടിപ്പുകാരെതിരെ കുറ്റം ചുമത്തിയിരുന്നു.
റാണാഘട്ട് എസ്.പി സിദ്ധാര്ത്ഥ് ധപോല നടത്തിയ വിശദീകരണപ്രകാരം, ഒരു മാസം നീണ്ട അന്വേഷണത്തിനിടെ ബംഗാൾ പോലീസ് മഹാരാഷ്ട്ര, ഹരിയാന, ഗു...