തൃശൂര്‍ പുതുക്കാട് ബാറില്‍ ജീവനക്കാരനെ കുത്തുകൊന്നു; ഒരു പ്രതി അറസ്റ്റില്‍

തൃശൂര്‍ പുതുക്കാട്ടെ ബാറിനു പുറത്ത് നടന്ന വാക്കുതര്‍ക്കം അതിക്രമത്തിലേക്ക് നീങ്ങി ബാര്‍ ജീവനക്കാരനെ കുത്തിക്കൊന്ന സംഭവത്തില്‍ ഒരാളെ പൊലീസ് അറസ്റ്റു ചെയ്തു. കൊല്ലപ്പെട്ടത് എരുമപ്പെട്ടി സ്വദേശി ഹേമചന്ദ്രന്‍ (64) ആണ്. കൊച്ചി സ്വദേശി ഫിജോ ജോണി (40) എന്ന സെക്യൂരിറ്റി ജീവനക്കാരനെയാണ് പൊലീസ് അറസ്റ്റ് ചെയ്തത്.

സംഭവം ഇന്നലെ രാത്രിയോടെയായിരുന്നു. പുതുക്കാട് മേ ഫെയര്‍ ബാറിന് മുന്നിലുണ്ടായ വാക്കുതര്‍ക്കം കൈയാങ്കളിയിലേക്കും പിന്നീട് പകയും കൊലപാതകവുമിലേക്കും മാറുകയായിരുന്നു. “വേണ്ടത്ര ടെച്ചിങ്‌സ് നല്‍കിയില്ല” എന്ന ആരോപണമാണ് തര്‍ക്കത്തിന് തുടക്കമായതെന്ന് പൊലീസ് പറഞ്ഞു.

വാക്കുതര്‍ക്കത്തിനുശേഷം ഫിജോ ബാറില്‍ നിന്ന് പുറത്തേക്ക് പോയി. പിന്നീട് തൃശൂരിലേക്ക് പോയ ഇയാള്‍ നഗരത്തില്‍ നിന്ന് കത്തി വാങ്ങി വീണ്ടും ബാറിലേക്ക് തിരിച്ചെത്തുകയായിരുന്നു. മദ്യപിച്ച നിലയിലായിരുന്നു ഇയാള്‍.

രാത്രി 11.30 ഓടെയാണ് ഹേമചന്ദ്രന്‍ ഭക്ഷണം കഴിക്കാന്‍ ബാറിനു പുറത്തേക്ക് ഇറങ്ങിയത്. അപ്പോഴാണ് പ്രതി കത്തി ഉപയോഗിച്ച് ആക്രമണം നടത്തിയത്. ശബ്ദം കേട്ട് ബാര്‍ ജീവനക്കാര്‍ പുറത്തേക്ക് വന്നപ്പോഴേക്കും ഹേമചന്ദ്രന് ഗുരുതരമായി പരിക്കേറ്റിരുന്നു.

പുതുക്കാട് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

Tag: Employee stabbed to death at a bar in Thrissur’s Puthukkad; one accused arrested