ന്യൂഡൽഹി: രാജ്യത്തെ തീവ്ര വോട്ടർപട്ടിക പരിഷ്കരണ നടപടികളുമായി (Special Intensive Revision – SIR) ബന്ധപ്പെട്ട ഹർജികൾ ഇന്ന് സുപ്രീംകോടതി പരിഗണിക്കും. പദ്ധതിയുടെ ഭരണഘടനാ സാധുത ചോദ്യം ചെയ്തുള്ള ഹർജികളാണ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് പരിശോധിക്കുന്നത്.
സംസ്ഥാനങ്ങളിലെ സ്ഥിതി: ബിഹാറിലെ വോട്ടർപട്ടിക പരിഷ്കരണവുമായി ബന്ധപ്പെട്ട ഹർജികൾക്കൊപ്പം മറ്റ് സംസ്ഥാനങ്ങളിലെ സമാന ഹർജികളും കോടതിയുടെ പരിഗണനയിലുണ്ട്.
കേരളം: കേരളത്തിലെ വോട്ടർപട്ടിക പരിഷ്കരണവുമായി ബന്ധപ്പെട്ട ഹർജികൾ ഈ മാസം 15-നാണ് സുപ്രീംകോടതി ലിസ്റ്റ് ചെയ്തിരിക്കുന്നത്.യുപിയിലെ വോട്ടർപട്ടിക പരിഷ്കരണത്തിന്റെ കരട് പട്ടിക കേന്ദ്ര തെരഞ്ഞെടുപ്പ് കമ്മീഷൻ ഇന്ന് പ്രസിദ്ധീകരിക്കും.
പശ്ചിമ ബംഗാൾ മുഖ്യമന്ത്രി മമത ബാനർജി ഇന്ന് വീണ്ടും സുപ്രീംകോടതിയെ സമീപിക്കുമെന്ന് അറിയിച്ചിട്ടുണ്ട്. വോട്ടർപട്ടിക പരിഷ്കരണ നടപടികളുടെ അമിത സമ്മർദ്ദം മൂലം ബൂത്ത് ലെവൽ ഓഫീസർമാർ (BLO) ആത്മഹത്യ ചെയ്ത സംഭവങ്ങൾ ഉൾപ്പെടെയുള്ള ഗൗരവകരമായ വിഷയങ്ങൾ അവർ കോടതിയുടെ ശ്രദ്ധയിൽപ്പെടുത്തും. ഉദ്യോഗസ്ഥർ അനുഭവിക്കുന്ന മാനസിക സമ്മർദ്ദവും നടപടിക്രമങ്ങളിലെ പോരായ്മകളും ഹർജിയിൽ ഉന്നയിക്കുമെന്നാണ് വിവരം.