ട്രെൻഡിംഗ് പേജ്, ട്രെൻഡിംഗ് നൗ’ ലിസ്റ്റ് എന്നിവ നീക്കം ചെയ്യാനൊരുങ്ങി യൂട്യൂബ്
വീഡിയോ സ്ട്രീമിംഗ് പ്ലാറ്റ്ഫോമായ യൂട്യൂബ്, ഉപയോക്താക്കൾക്ക് ഉള്ളടക്കം കണ്ടെത്താനുള്ള രീതിയിൽ വലിയ മാറ്റം കൊണ്ടുവരുന്നു. ഉപയോഗക്കുറവ് മൂലം, പതിറ്റാണ്ടോളം സേവനത്തിലുള്ള ട്രെൻഡിംഗ് പേജ്, കൂടാതെ 'ട്രെൻഡിംഗ് നൗ' ലിസ്റ്റ് എന്നിവ 2025 ജൂലൈ 21 മുതൽ പൂർണമായി നിർത്തിവെയ്ക്കാനാണ് കമ്പനി തീരുമാനിച്ചത്.
2015-ൽ ഇറക്കിയ ഈ ഫീച്ചറുകൾ ഒരുപാട് കാലം പുതിയ വീഡിയോകൾ പ്രേക്ഷകരിലേക്ക് എത്തിക്കുന്നതിൽ നിർണായക പങ്ക് വഹിച്ചിരുന്നു. എന്നാൽ കഴിഞ്ഞ അഞ്ച് വർഷത്തിനിടെ ട്രെൻഡിംഗ് പേജിൽ സന്ദർശകരുടെ എണ്ണം ഗണ്യമായി കുറഞ്ഞതായി യൂട്യൂബ് വ്യക്തമാക്കിയിട്ടുണ്ട്. പ്രേക്ഷകർ പുതിയ ഉള്ളടക്കം കണ്ടെത്താൻ മറ്റ് മാർഗങ്ങൾ ഉപയോഗിക്കാൻ തുടങ്ങിയാണ് ഈ മാറ്റത്തിന് പിന്നിലെ പ്രധാന കാരണം.
ട്രെൻഡിംഗ് പേജിന് പകരമായി, യൂട്യൂബ് ഇനി പുതിയ കാറ്റഗറി ചാർട്ടുകൾ അവതരിപ്പിക്കും. വിവിധ വിഭാഗങ്ങളിൽ ഏറ്റവും ജനപ്രിയമായ വീഡിയോകൾ ഈ ചാർട്ടുകൾ വഴി പ്രദർശിപ...