കൊല്ലത്ത് കാണാതായ പ്ലസ് ടു വിദ്യാർത്ഥിയെ മരിച്ച നിലയിൽ കണ്ടെത്തി
കൊല്ലം: കൊല്ലം കിളികൊല്ലൂരിൽ കാണാതായ പ്ലസ് ടു വിദ്യാർഥിനിയെ വീടിനു സമീപത്തെ റെയിൽവേ ട്രാക്കിനോടു ചേർന്ന ഓടയിൽ മരിച്ചനിലയിൽ കണ്ടെത്തി. വെള്ളിയാഴ്ച ഉച്ചക്ക് അച്ഛനും നാട്ടുകാരും റെയിൽവേ ട്രാക്കിനു സമീപം നടത്തിയ പരിശോധനയിൽ ചെരിപ്പ് കണ്ടെത്തി. തുടർന്നാണ് ഓടയിൽ മൃതദേഹം കണ്ടെത്തിയത്. മണ്ണാമല യൂണിവേഴ്സിറ്റി നഗർ ഐരാട്ടിൽ തെക്കതിൽ സുരേഷ്-സനൂജ ദമ്പതിമാരുടെ ഏകമകൾ നന്ദ(17)യാണ് മരിച്ചത്. ഗവ. ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിയാണ് നന്ദ. വ്യാഴാഴ്ച വൈകീട്ട് കുട്ടുകാരിയുടെ വീട്ടിൽ പോകുന്നെന്നുപറഞ്ഞ് പോയതാണെന്ന് വീട്ടുകാർ പറയുന്നു. നന്ദയുടെ അച്ഛന്റെ പരാതിയിൽ പോലീസ് സ്ഥലത്തെത്തി അന്വേഷണം നടത്തിയെങ്കിലും കണ്ടെത്താനായില്ല. വഴിയിലൂടെ നടന്നുപോകുമ്പോൾ കാൽവഴുതി താഴേക്കു വീണതാകാമെന്ന് സംശയിക്കുന്നു. അന്വേഷണം നടത്തിവരുകയാണെന്നു സ്ഥലം സന്ദർശിച്ച സിറ്റി പോലീസ് കമ്മിഷണർ കിരൺ നാരായണൻ പറഞ്ഞു....