ഫോള്ഡബിള് ഐഫോണ് ആപ്പിള് 2026 സെപ്റ്റംബറില് പുറത്തിറക്കിയേക്കും
ഐഫോണ് ഫോള്ഡിനായുള്ള കാത്തിരിപ്പ് 2026 സെപ്റ്റംബറില് അവസാനിക്കും എന്നാണ് പുതിയ റൂമറുകള് വ്യക്തമാക്കുന്നത്. അടുത്ത വര്ഷം ഐഫോണ് 18 ലൈനപ്പിനൊപ്പം ഈ ഫോള്ഡബിളും വിപണിയില് അവതരിപ്പിക്കപ്പെടും എന്ന് ജെപി മോര്ഗനാണ് മാര്ക്കറ്റ് റിസര്ച്ച് നോട്ടിലൂടെ ആദ്യ സൂചന പുറത്തുവിട്ടത്. 2026 സെപ്റ്റംബറില് ഐഫോണ് 18 ശ്രേണിക്കൊപ്പം ആപ്പിളിന്റെ ചരിത്രത്തിലെ ആദ്യ ഫോള്ഡബിള് സ്മാര്ട്ട്ഫോണും വിപണിയിലെത്തും എന്നാണ് സൂചനകള്. നിലവില് ഫോള്ഡബിള് ഹാന്ഡ്സെറ്റ് വിപണി ദക്ഷിണ കൊറിയന് ബ്രാന്ഡായ സാംസങ്ങിന്റെ കുത്തകയാണ്. ഈ സെഗ്മെന്റില് സാംസങ്ങിന്റെ കുതിപ്പിന് തടയിടാന് എത്രയും വേഗം, മികച്ച സ്പെസിഫിക്കേഷനുകളോടെ ഫോള്ഡബിള് ഇറക്കാതെ ആപ്പിളിന് മറ്റ് മാര്ഗങ്ങളില്ല. ഫോള്ഡബിള് ഐഫോണിന്റെ വില അമേരിക്കയില് 1,999 ഡോളറിലാണ് (ഏകദേശം 1,74,000 ഇന്ത്യന് രൂപ) ആരംഭിക്കുക എന്ന് ജെപി മോര്ഗന് പ്രവചിക്കുന്നു. 20...