ഇറാന്- ഇസ്രയേല് സംഘര്ഷം ശക്തമായ സാഹചര്യത്തിൽ ഇറാനിലുളള ഇന്ത്യന് വിദ്യാര്ത്ഥികളെ ഒഴിപ്പിച്ചുതുടങ്ങി
ആദ്യഘട്ടത്തില് ഇന്ത്യന് വിദ്യാര്ത്ഥികളുടെ സുരക്ഷ ഉറപ്പാക്കാനായി അവരെ ഇറാനില് തന്നെയുളള സുരക്ഷിത കേന്ദ്രങ്ങളിലേക്ക് മാറ്റിപ്പാര്പ്പിക്കുകയാണെന്ന് സര്ക്കാര് അറിയിച്ചിരുന്നു. ഇറാനില് പതിനായിരത്തോളം ഇന്ത്യക്കാരുണ്ടെന്നും അവരില് ആറായിരം പേര് വിദ്യാര്ത്ഥികളാണ് എന്നുമാണ് വിവരം. 600 ഇന്ത്യന് വിദ്യാര്ത്ഥികളെ ഖോമിലേക്കാണ് മാറ്റിയത്.
ഉര്മിയയില് നിന്നുളള 110 വിദ്യാര്ത്ഥികള് തിങ്കളാഴ്ച്ച വൈകുന്നേരത്തോടെ അര്മേനിയന് അതിര്ത്തിയിലെത്തി. അവരെ വ്യോമ മാര്ഗം ഒഴിപ്പിക്കാനാണ് സാധ്യത. വിദേശകാര്യ മന്ത്രി എസ് ജയ്ശങ്കര് അര്മേനിയന് വിദേശകാര്യ മന്ത്രി അരാരത്ത് മിര്സോയയുമായി സംസാരിച്ചിരുന്നു. ഷിറാസില് നിന്നും ഇസ്ഫഹാനില് നിന്നുമുളള വിദ്യാര്ത്ഥികളെ യാസ്ദിലേക്കും മാറ്റുന്നുണ്ടെന്നാണ് വിവരം.
തെഹ്റാനിലെ ഇന്ത്യന് എംബസി സുരക്ഷാ സാഹചര്യം നിരന്തരം നിരീക്ഷിക്കുകയും ഇറാനിലെ ഇന്ത്യന് വിദ്യാര്...