തിരുവനന്തപുരം: കേരള സംസ്ഥാന ഇലക്ട്രിസിറ്റി റെഗുലേറ്ററി കമ്മീഷന് പുറത്തിറക്കിയ പുതിയ കരട് സൗരോര്ജ്ജ നയത്തിലെ നിര്ദ്ദേശങ്ങള് അപ്രായോഗികവും കേരളത്തിന്റെ വൈദ്യുതി മേഖലയെ പ്രതികൂലമായി ബാധിക്കുന്നതുമാണെന്ന് സൗരോര്ജ്ജ മേഖലയില് നിക്ഷേപം നടത്തിയ സംരംഭകരുടെ സംഘടനയായ മാസ്റ്റേഴ്സ് അസോസിയേഷന്. നയത്തിലെ നിര്ദ്ദേശങ്ങളില് പ്രതിഷേധിച്ച് അസോസിയേഷന്റെ നേതൃത്വത്തില് നാളെ സോളാര് ബന്ദ് ആചരിക്കും. സോളാര് പ്ലാന്റുകളുടെ നിര്മ്മാണം, വിപണനം, ഇന്സ്റ്റാളേഷന്, സര്വ്വീസ് മേഖലകളില് കേരളത്തില് പ്രവര്ത്തിക്കുന്ന മുഴുവന് സ്ഥാപനങ്ങളും ബന്ദിന്റെ ഭാഗമായി അടച്ചിടും.
