കൊല്ക്കത്തയില് വിദ്യാര്ഥിനിയെ കൂട്ട ബലാത്സംഗം ചെയ്ത കേസ് അന്വേഷിക്കാന് അഞ്ചംഗ പ്രത്യേക അന്വേഷണ സംഘത്തെ നിയോഗിച്ചു. എസിപി പ്രദീപ് കുമാര് ഘോഷാലിന്റെ നേതൃത്വത്തിലാണ് പ്രത്യേക അന്വേഷണസംഘം. അതേസമയം വിദ്യാര്ഥിനി നേരിട്ടത് അതിക്രൂര പീഡനമെന്ന വിവരങ്ങളും പുറത്തുവന്നു. കോളജിലെ ഗാര്ഡ് റൂമില് എത്തിച്ചാണ് പ്രതികള് 24 കാരിയെ കൂട്ടബലാത്സംഗം ചെയ്തത്. ശരീരത്തില് നിരവധി പാടുകളും മുറിവുകളും ഉണ്ട്. കഴുത്തിൽ ആക്രമണത്തിന്റെ പാടുകള്. ശ്വാസതടസം നേരിട്ടതോടെ ആശുപത്രിയില് എത്തിക്കാന് വിദ്യാര്ഥിനി ആവിശ്യപ്പെട്ടു എന്നാല് പ്രതികള് വീണ്ടും പീഡനം തുടര്ന്നു. പീഡനത്തിന്റെ ദൃശ്യങ്ങള് പകര്ത്തി എന്നും പൊലീസില് പരാതി നല്കിയാല് ഇത് പുറത്തുവിടുമെന്നും പ്രതികള് ഭീഷണിപ്പെടുത്തിയതായും വിദ്യാര്ഥിനി നല്കിയ പരാതിയില് പറയുന്നുണ്ട്. മുഖ്യപ്രതി മനോജിത് മിശ്ര നടത്തിയ വിവാഹാഭ്യര്ഥന നിരസിച്ചതാണ് പീഡനത്തിന് കാരണം. വിദ്യാര്ഥിനിയുടെ പരാതിയില് മനോജിത് മിശ്ര, സായിബ് അഹമ്മദ്, പ്രമിത് മുഖോപാധ്യായ എന്നിവരെ പൊലീസ് അറസ്റ്റ് ചെയ്തു. മൂന്ന് പേരെയും കോടതി നാലു ദിവസത്തേക്ക് പൊലീസ് കസ്റ്റഡിയില് വിട്ടു.
