കമ്മ്യൂണിസ്റ്റ് പാർട്ടിയുടെ ചരിത്രത്തിലെ ആദ്യ വനിതാ സെക്രട്ടറിയായി മാറുകയാണ് സുമലതാ മോഹൻദാസ്. സിപിഐ പാലക്കാട് ജില്ലാ സെക്രട്ടറിയായി സുമലതാ മോഹന്ദാസ് തെരഞ്ഞെടുക്കപ്പെട്ടു.
സംസ്ഥാനത്തെ ആദ്യ കമ്മ്യൂണിസ്റ്റ് വനിതാ സെക്രട്ടറിയായി മാറിയ സുമലത മോഹന്ദാസ് അകത്തേത്തറ തോട്ടപ്പുര സ്വദേശിയാണ്. കഴിഞ്ഞ മൂന്നു ടേമിലും ജില്ലാ സെക്രട്ടറിയായിരുന്ന കെ പി സുരേഷ് രാജിന് പകരമായാണ് ജില്ലയിലെ ആദ്യ വനിതാ സെക്രട്ടറിയായി സുമലത മോഹന്ദാസ് എതിരില്ലാതെ തെരഞ്ഞെടുക്കപ്പെട്ടത്.
സിപിഐ സംസ്ഥാന കൗണ്സില് അംഗം, ജില്ലാ അസിസ്റ്റന്റ് സെക്രട്ടറി കേരള മഹിളാസംഘം ദേശീയ കൗണ്സില് അംഗം- ജില്ലാ സെക്രട്ടറി, മലമ്പുഴ ഗ്രാമപഞ്ചായത്ത് വെെസ് പ്രസിഡന്റ്, സാമൂഹ്യനിതീ വകുപ്പ് കൗണ്സില് അംഗം, എന്നീ നിലകളില് പ്രവര്ത്തിച്ചു വരുന്ന സുമലതാ മോഹന്ദാസ് മികച്ച സംഘാടകയായാണ് അറിയപ്പെടുന്നത്.
ഇന്നലെ ചേര്ന്ന ജില്ലാ എക്സിക്യൂട്ടീവ് യോഗവും തുടര്ന്ന് ചേര്ന്ന പുതിയ ജില്ലാ കൗണ്സില് പ്രതിനിധികളുടെ യോഗവും സുമലതയെ സെക്രട്ടറിയായി തിരഞ്ഞെടുക്കുകയായിരുന്നു. മലമ്പുഴ ഗ്രാമ പഞ്ചായത്തില് നിന്നും തുടര്ച്ചയായി മൂന്നു തവണ ജനപ്രതിനിധിയായി ജയിച്ച സുമലത മലമ്പുഴ ഗ്രാമ പഞ്ചായത്ത് മുന് പ്രസിഡന്റും (2010-15) മികച്ച പ്രാസംഗികയും കൂടിയാണ്.
Tag: First woman in history; Sumalatha Mohandas CPI Palakkad District Secretary