25.17 ലക്ഷം പേര്ക്ക് ആകെ 7708 കോടിയുടെ സൗജന്യ ചികിത്സ; കാരുണ്യ സുരക്ഷാ പദ്ധതികള്ക്കായി 124.63 കോടി രൂപ അനുവദിച്ചതായി മന്ത്രി വീണ ജോർജ്
സംസ്ഥാനത്തെ കാരുണ്യ സുരക്ഷാ പദ്ധതിയ്ക്കും കാരുണ്യ ബെനവലന്റ് ഫണ്ട് പദ്ധതിയ്ക്കുമായി 124.63 കോടി രൂപ അനുവദിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. കാരുണ്യ ബെനവലന്റ് ഫണ്ട് പദ്ധതിയ്ക്കുമായാണ് അനുവദിച്ചത്. കാരുണ്യ സുരക്ഷാ പദ്ധതിയുടെ നടത്തിപ്പ് ചുമതലയുള്ള സ്റ്റേറ്റ് ഹെല്ത്ത് ഏജന്സിയിലൂടെ 75.66 കോടി രൂപ സൗജന്യ ചികത്സ നല്കിയ ആശുപത്രികള്ക്ക് വിതരണം ചെയ്തു.സ്റ്റേറ്റ് ഹെല്ത്ത് ഏജന്സിയിലൂടെ നടപ്പിലാക്കി വരുന്ന കാരുണ്യ ബെനവലന്റ് ഫണ്ട് പദ്ധതിക്കായി ലോട്ടറി വകുപ്പ് മുഖേന 49.3 കോടി രൂപയും നൽകി. പദ്ധതിയില് ഉള്പ്പെട്ടിട്ടുള്ള ആശുപത്രികള്ക്കും തുക ല്കിയതായും മന്ത്രി പറഞ്ഞു.
ഏറ്റവും കൂടുതല് സൗജന്യ ചികിത്സ നല്കിയതിനുള്ള ആരോഗ്യ മന്ഥന് പുരസ്കാരം കഴിഞ്ഞ 3 വര്ഷമായി കേരളത്തിനാണ് ലഭിച്ചത്. 5 വര്ഷം കൊണ്ട് 25.17 ലക്ഷം പേര്ക്ക് ആകെ 7708 കോടിയുടെ സൗജന്യ ചികിത്സയാണ് നല്കിയത്. കാസ്പ് വഴി 24.06 ലക...
