പോലീസ് വാഹനങ്ങളിലെ വിന്ഡോ കര്ട്ടനുകളും ബുള്ബാറും കറുത്ത ഫിലിമുകളും ഇനി പാടില്ല; ഡിജിപി
വാഹനത്തില് ബുള്ബാര്, ക്രാഷ് ഗാര്ഡ് എന്നിവ ഘടിപ്പിക്കുന്നതും നിയമവിരുദ്ധമാണ്.
തിരുവനന്തപുരം: പൊലീസ് വാഹനങ്ങളിലെ വിന്ഡോ കര്ട്ടനുകളും വാഹനത്തിനു മുന്നിലെ ബുള്ബാറും ഗ്ലാസിലെ കറുത്ത ഫിലിമുകളും ഉടനടി നീക്കം ചെയ്യണമെന്ന് ഡിജിപി ലോക്നാഥ് ബെഹ്റ. സ്വകാര്യ വാഹനങ്ങളില്നിന്ന് പൊലീസ് ഇവ നീക്കം ചെയ്യുകയും സര്ക്കാര് വാഹനങ്ങളില് അതെല്ലാം നിലനിര്ത്തുകയും ചെയ്യുന്നത് ജനങ്ങള്ക്കിടയില് തെറ്റായ സന്ദേശം നല്കുമെന്നും ഡിജിപി പറഞ്ഞു.
ഇവയെല്ലാം മാറ്റിയെന്ന് ഉറപ്പാക്കാനുള്ള ഉത്തരവാദിത്തം ബന്ധപ്പെട്ട പൊലീസ് വകുപ്പുകളുടെ മേധാവിക്കായിരിക്കും. കര്ട്ടനുകളും കറുത്ത ഫിലിമും സ്വകാര്യ വാഹനങ്ങളില്നിന്ന് നീക്കം ചെയ്യുന്നതിനു പൊലീസ് നടപടിയെടുക്കുമ്പോള് ഉന്നത പൊലീസ് ഉദ്യോഗസ്ഥരും രാഷ്ട്രീയ നേതാക്കളും ഇതെല്ലാം ഉപയോഗിക്കുന്നതിനെതിരെ ഏറെ വിമര്ശനം വന്നിരുന്നു. വിന്ഡോ കര്ട്ടനുകള്ക്കും കറുത്ത ഫിലിമുകള്...