മെല്ബണ്: ഇന്ത്യ-ഓസ്ട്രേലിയ ടി20 പരമ്പരയിലെ രണ്ടാം മത്സരം ഇന്ന് മെല്ബണില് നടക്കും.ഇന്ത്യന് സമയം ഉച്ചക്ക് 1.45നും ഓസ്ട്രേലിയന് സമയം രാത്രി 7.15നുമാണ് മത്സരം തുടങ്ങുന്നത്. പരമ്പരയില് ആദ്യ ജയം തേടിയാണ് ഇരുടീമുകളും ഇറങ്ങുന്നത്.
ആഷസ് പരമ്പരക്കുള്ള മുന്നൊരുക്കത്തിന്റെ ഭാഗമായി പോകുന്നതിനാല് ജോഷ് ഹേസല്വുഡ് പരമ്പരയില് ഓസീസിനായി കളിക്കുന്ന അവസന മത്സരമാണിത്. അതുകൊണ്ട് തന്നെ പേസ് നിരയില് ഓസീസ് ഷോണ് ആബട്ടിന് ഇന്ന് അവസരം നല്കുമെന്നാണ് കരുതുന്നത്. മത്സരത്തിന് മഴ ഭീഷണിയില്ലെന്നാണ് കാലാവസ്ഥാ റിപ്പോര്ട്ട്.
കാന്ബറയില് നടന്ന ആദ്യ മത്സരത്തില് ടോസ് നഷ്ടമായി ബാറ്റിംഗിനിറങ്ങിയ ഇന്ത്യ 9.4 ഓവില് 97 റണ്സെടുത്തു നില്ക്കെയായിരുന്നു മഴമൂലം കളി നിര്ത്തിവെക്കേണ്ടിവന്നത്. പിന്നീട് മത്സരം ഉപേക്ഷിച്ചു. ഇനി നാലു മത്സരങ്ങള് മാത്രമുള്ള പരമ്പരയില് ആദ്യ ജയവുമായി ലീഡ് നേടാനായിരിക്കും ഇരു ടീമുകളും ശ്രമിക്കക.
ഇന്ത്യയില് സ്റ്റാര് സ്പോര്ട്സിലും ജിയോ ഹോട് സ്റ്റാറിലും മത്സരം തത്സമയം കാണാനാവും. 90000 പേര്കിരിക്കാവുന്ന സ്റ്റേഡിയത്തില് മത്സരത്തിനുള്ള ടിക്കറ്റുകളെല്ലാം നേരത്തെ വിറ്റുപോയിരുന്നു.