ബെംഗളൂരു: സംവിധായകന് രഞ്ജിത്തിനെതിരായ ലൈംഗിക പീഡനക്കേസ് കര്ണാടക ഹൈക്കോടതി റദ്ദാക്കി. കേസില് ഉന്നയിച്ച ആരോപണങ്ങള് പ്രഥമദൃഷ്ട്യ തന്നെ അടിസ്ഥാനരഹിതമാണെന്ന് കണ്ടെത്തിയാണ് കോടതി നടപടി. പരാതിക്കാരന് ഉന്നയിച്ച സംഭവം നടന്ന ഹോട്ടല്, തിയതി എന്നിവ തമ്മില് വൈരുദ്ധ്യമുണ്ടെന്ന് കോടതി നിരീക്ഷിച്ചു.
2002 ൽ ബംഗളൂരുവിലെ എയർപോർട്ട് റോഡിലുള്ള ഹോട്ടലിൽ പ്രകൃതിവിരുദ്ധ പീഡനം നടന്നതെന്നായിരുന്നു പരാതിക്കാരന്റെ ആരോപണം. എന്നാൽ അന്വേഷണത്തിൽ ഹോട്ടൽ 2016ലാണ് പ്രവർത്തനം ആരംഭിച്ചതെന്നത് വ്യക്തമാവുന്നു. കൂടാതെ പരാതി നൽകുന്നതിൽ 12 വർഷത്തെ കാലതാമസം ഉണ്ടായതായും അതിന് യാതൊരു ന്യായീകരണവും നൽകിയില്ലെന്നുമാണ് കോടതി നടത്തിയ നിരീക്ഷണം.