ന്യൂഡൽഹി: ശബരിമലയിലെ സ്വർണക്കൊള്ളയുമായി ബന്ധപ്പെട്ട കേസിൽ കോടതിയുടെ മേൽനോട്ടത്തിൽ സിബിഐ അന്വേഷണം ആവശ്യപ്പെട്ട് യുഡിഎഫ് എംപിമാർ പാർലമെൻ്റിന് മുന്നിൽ ശക്തമായ പ്രതിഷേധം സംഘടിപ്പിച്ചു. തദ്ദേശ തിരഞ്ഞെടുപ്പ് കാലത്ത് ശ്രദ്ധ നേടിയ പാരഡി ഗാനം ആലപിച്ചാണ് എംപിമാർ തങ്ങളുടെ നിലപാട് അറിയിച്ചത്.
നിലവിലെ പ്രത്യേക അന്വേഷണ സംഘത്തിൻ്റെ (SIT) അന്വേഷണം അപര്യാപ്തമാണെന്നും, കേസിൻ്റെ ഗൗരവം പരിഗണിച്ച് സിബിഐ അന്വേഷണം അനിവാര്യമാണെന്നും യുഡിഎഫ് ചൂണ്ടിക്കാട്ടുന്നു.
ഇന്ന് രാവിലെ 10.30-ഓടെ ആൻ്റോ ആൻ്റണി എംപിയുടെ നേതൃത്വത്തിലായിരുന്നു പ്രതിഷേധം. കഴിഞ്ഞ ദിവസങ്ങളിൽ കെ.സി. വേണുഗോപാൽ, ആൻ്റോ ആൻ്റണി, ഹൈബി ഈഡൻ തുടങ്ങിയ മുതിർന്ന എംപിമാർ ശബരിമല വിഷയത്തെക്കുറിച്ച് ലോക്സഭയുടെ ശൂന്യവേളയിൽ സംസാരിച്ച് വിഷയം ദേശീയ ശ്രദ്ധയിലേക്ക് കൊണ്ടുവന്നിരുന്നു.