തിരുവനന്തപുരം: ശബരിമല സ്വര്ണക്കൊള്ളക്കെതിരെ പ്രതിഷേധം ശക്തമാക്കാന് തീരുമാനിച്ച് കോണ്ഗ്രസ്. ഇതിന്റെ ഭാഗമായി നവംബര് 12ന് സെക്രട്ടറിയേറ്റിലേക്ക് മാര്ച്ച് നടത്തുമെന്ന് കെപിസിസി പ്രസിഡന്റ് അഡ്വ. സണ്ണി ജോസഫ് എംഎല്എ പറഞ്ഞു.
ദേവസ്വം മന്ത്രിരാജിവെക്കണമെന്നും വാസുവിനെ തലോടി ചോദ്യം ചെയ്താല് സത്യം തെളിയില്ലെന്നും രാഷ്ട്രീയ നേതൃത്വത്തെ ചോദ്യം ചെയ്യുകയാണ് വേണ്ടതെന്നും സണ്ണി ജോസഫ് കൂട്ടിച്ചേർത്തു. ശബരിമല സ്വര്ണ്ണ കവര്ച്ചയില് ഹൈക്കോടതിയുടെ നിരീക്ഷണം ഞെട്ടിക്കുന്നതാണ്. അന്താരാഷ്ട്ര കൊള്ളയെന്ന് കോടതിക്ക് പറയേണ്ടി വന്നു. സ്വര്ണ്ണ കവര്ച്ചയില് രാഷ്ട്രീയ നേതൃത്വത്തിന് പങ്കുണ്ടെന്നും അദ്ദേഹം വ്യക്തമാക്കി.