തിരുവനന്തപുരം: പൊതുജനങ്ങളുടെ നിവേദനങ്ങള്ക്കും പരാതികള്ക്കും നല്കുന്ന മറുപടികളില് മുഖ്യമന്ത്രി, മന്ത്രിമാര് എന്നിവരുടെ പേരിനു മുന്പ് ഇനി മുതല് ‘ബഹു.’ ചേര്ക്കണമെന്ന് സര്ക്കാര് ഉത്തരവ്. ഉദ്യോഗസ്ഥ ഭരണപരിഷ്കാര വകുപ്പ് പുറത്തിറക്കിയ നിര്ദ്ദേശപ്രകാരം, പൊതുജനങ്ങള് വിവിധ ആവശ്യങ്ങള് ഉന്നയിച്ച് നല്കുന്ന നിവേദനങ്ങള്/പരാതികള് പരിശോധിച്ച് ബന്ധപ്പെട്ട ഓഫീസുകള് നടപടി സ്വീകരിച്ചതിന്റെ അടിസ്ഥാനത്തില് നല്കുന്ന മറുപടി കത്തുകളില് ബഹുമാന സൂചകമായി ‘ബഹു. മുഖ്യമന്ത്രി’, ‘ബഹു. മന്ത്രി’ എന്നീ രീതിയില് രേഖപ്പെടുത്തണം. ഇത്തരം രേഖപ്പെടുത്തല് നിര്ബന്ധമാക്കുന്നതിലൂടെ ഔദ്യോഗിക കത്തിടപാടുകളില് മാന്യത ഉറപ്പാക്കുക എന്നതാണ് ഉത്തരവിന്റെ ലക്ഷ്യം.
