ഭൂട്ടാന് വാഹനക്കടത്തില് നടന്മാരായ ദുല്ഖര് സല്മാന്, അമിത് ചക്കാലക്കല് എന്നിവര്ക്ക് ചോദ്യം ചെയ്യലിന് ഹാജരാകാനായി നോട്ടീസ് നല്കും.കഴിഞ്ഞദിവസം നടത്തിയ റെയ്ഡില് പിടിച്ചെടുത്ത രേഖകള് പരിശോധിച്ച ശേഷമാകും ചോദ്യം ചെയ്യലിലേക്ക് കടക്കുക. ബാങ്ക് അക്കൗണ്ട് വിവരങ്ങള് അന്വേഷണ സംഘത്തിന് മുന്നില് ഹാജരാക്കാന് ഇരുവര്ക്കും നിര്ദേശം നല്കിയിട്ടുണ്ട്.
മമ്മൂട്ടി, ദുല്ഖര് സല്മാന്, പൃഥ്വിരാജ്, അമിത് ചക്കാലക്കല് എന്നിവരുടെ വീടുകളിലും കാര് ഡീലര്മാരുടെ ഓഫീസ്, ദുല്ഖറിന്റെ നിര്മ്മാണ കമ്പനിയായ വേഫെറര് ഫിലിംസ് എന്നിവിടങ്ങളായിരുന്നു ഒരേസമയം എന്ഫോഴ്സ്മെന്റ് ഡയറക്ട്രേറ്റ് പരിശോധന നടത്തിയത്. തുടര്ന്ന് രേഖകള് പിടച്ചെടുത്തിരുന്നു. ഫെമ നിയമലംഘനം, കള്ളപ്പണ ഇടപാട്, ഹവാലാ ഇടപാടുകൾ എന്നിവ നടന്നിട്ടുണ്ട് എന്നാണ് ഇ.ഡി വാദം. കഴിഞ്ഞദിവസം നടന്ന പരിശോധനയിൽ ചില രേഖകൾ ഇഡി പിടിച്ചെടുത്തിരുന്നു. ഭൂട്ടാനിൽ നിന്ന് ഇന്ത്യയിലെത്തിയ വാഹനങ്ങൾ കണ്ടെത്തുന്നതിനായി കസ്റ്റംസ് നടത്തിയ ഓപ്പറേഷൻ നുംഖോറിന് പിന്നാലെയായിരുന്നു ഇഡിയുടെ പരിശോധന. അതേസമയം നിയമപരമായ നടപടിക്രമങ്ങള് പൂര്ത്തിയാക്കിയാണ് വാഹനം വാങ്ങിയതെന്നാണ് ദുല്ഖര് അന്വേഷണ സംഘത്തെ അറിയിച്ചത്.