കാബൂള്: പാകിസ്ഥാൻ നടത്തിയ വ്യോമാക്രമണത്തിൽ മൂന്ന് അഫ്ഗാനിസ്ഥാൻ ക്രിക്കറ്റ് താരങ്ങൾ കൊല്ലപ്പെട്ടു. പാകിസ്ഥാന് അതിര്ത്തിയിലെ കിഴക്കന് പക്ടിക്ക പ്രവിശ്യയിലെ ഉര്ഗുണില് നിന്ന് ഷരാനയിലേക്ക് സൗഹൃദ മത്സരത്തില് പങ്കെടുക്കാന് പോയ കബീര്, സിബ്ഗത്തുള്ള, ഹാരൂണ് എന്നിവരാണ് കൊല്ലപ്പെട്ടതെന്ന് അഫ്ഗാനിസ്ഥാന് ക്രിക്കറ്റ് ബോര്ഡ് (എസിബി) അറിയിച്ചു. ഇവർക്ക് പുറമെ അഞ്ച് പേർ കൂടി ആക്രമണത്തിൽ കൊല്ലപ്പെട്ടിട്ടുണ്ട്
ഭീരുത്വം നിറഞ്ഞ ആക്രമണമാണ് ഇതെന്ന് എസിബി എക്സില് കുറിച്ചു. ക്രിക്കറ്റ് താരങ്ങളുടെ വിയോഗത്തില് അഗാധമായ ദുഃഖം രേഖപ്പെടുത്തുന്നതായി എസിബി അറിയിച്ചു. പാകിസ്ഥാന് നടത്തുന്ന സമീപകാല ആക്രമണങ്ങളെ അപലപിച്ച് അഫ്ഗാന് ടി20 ടീം ക്യാപ്റ്റന് റാഷിദ് ഖാനും രംഗത്തെത്തി. ത്രിരാഷ്ട്ര പരമ്പരയില് നിന്ന് പിന്മാറാനുള്ള എസിബി തീരുമാനത്തെ അദ്ദേഹം സ്വാഗതം ചെയ്യുകയും ചെയ്തു. അഫ്ഗാന് താരങ്ങളായ മുഹമ്മദ് നബിയും ഫസല്ഹഖ് ഫാറൂഖിയും സംഭവത്തെ അപലപിച്ചു.