പട്ന: ബിഹാറിൽ പുതിയ എന്ഡിഎ സര്ക്കാരിന്റെ സത്യപ്രതിജ്ഞാ ചടങ്ങില് മുഖ്യമന്ത്രി നിതീഷ് കുമാറിനൊപ്പം ഇരുപത്തിരണ്ട് മന്ത്രിമാരും നാളെ സത്യപ്രതിജ്ഞ ചെയ്യും. ബിജെപിയില് നിന്ന് ഒമ്പത് എംഎല്എമാര്, ജെഡിയുവില് നിന്ന് പത്ത് പേര്, ചിരാഗ് പാസ്വാന്റെ എല്ജെപി (റാം വിലാസ്), ജിതന് റാം മഞ്ചിയുടെ ഹിന്ദുസ്ഥാനി അവാമി മോര്ച്ച, ഉപേന്ദ്ര കുശ്വാഹയുടെ രാഷ്ട്രീയ ലോക് മോര്ച്ച എന്നിവയില് നിന്ന് ഓരോ എംഎല്എമാരാകും ഉണ്ടാകുക.
പത്താം തവണയും ബിഹാര് മുഖ്യമന്ത്രിയായി നിതീഷ് കുമാര് ചുമതലയേല്ക്കും. പട്നയിലെ ഗാന്ധി മൈദാനില് വൈകിട്ടാകും സത്യപ്രതിജ്ഞ ചടങ്ങ് നടക്കുക. പ്രധാനമന്ത്രി നരേന്ദ്ര മോദി, ബിജെപി സംസ്ഥാനങ്ങളിലെ മുഖ്യമന്ത്രിമാരും ചടങ്ങില് പങ്കെടുക്കും.
സാമ്രാട്ട് ചൗധരി, വിജയ് സിന്ഹ, നിതിന് നവീന്, രേണു ദേവി, മംഗല് പാണ്ഡേ, നീരജ് ബാബു, സഞ്ജയ് സാരവാഗി, ഹരി സാഹ്നി, രജനീഷ് കുമാര് എന്നിവരാകും ബിജെപിയില് നിന്ന് നാളെ സത്യപ്രതിജ്ഞ ചെയ്യുക. ഒമ്പത് പേരില് എട്ട് പേര് കഴിഞ്ഞ സര്ക്കാരില് മന്ത്രിമാരായിരുന്നു
