തിരുവനന്തപുരം: സംസ്ഥാന സർക്കാർ ജീവനക്കാരുടെ ദീർഘനാളത്തെ ആവശ്യത്തിന് പരിഹാരമായി പങ്കാളിത്ത പെൻഷൻ പദ്ധതിക്ക് (NPS) പകരമായി ‘അഷ്വേർഡ് പെൻഷൻ പദ്ധതി’ നടപ്പിലാക്കുമെന്ന് ധനമന്ത്രി അറിയിച്ചു. ജീവനക്കാർക്ക് വിരമിക്കുമ്പോൾ കൃത്യമായ പെൻഷൻ തുക ഉറപ്പാക്കുന്ന രീതിയിലാണ് പുതിയ പദ്ധതി വിഭാവനം ചെയ്തിരിക്കുന്നത്.ജീവനക്കാരൻ അവസാനം വാങ്ങിയ അടിസ്ഥാന ശമ്പളത്തിന്റെ 50 ശതമാനം തുക പെൻഷനായി ലഭിക്കുമെന്ന് സർക്കാർ ഉറപ്പുനൽകുന്നു.ഡി.ആർ (DR) ആനുകൂല്യം: പെൻഷൻ തുകയോടൊപ്പം വിലക്കയറ്റത്തിന് ആനുപാതികമായ ഡി.ആർ (Dearness Relief) ആനുകൂല്യങ്ങളും പദ്ധതിയിൽ ഉൾപ്പെടുത്തിയിട്ടുണ്ട്.മാറാനുള്ള സ്വാതന്ത്ര്യം: നിലവിൽ എൻ.പി.എസിൽ (NPS) തുടരുന്നവർക്ക് അഷ്വേർഡ് പെൻഷൻ പദ്ധതിയിലേക്ക് മാറാൻ അവസരമുണ്ടാകും. എന്നാൽ എൻ.പി.എസിൽ തന്നെ തുടരാൻ ആഗ്രഹിക്കുന്നവർക്ക് അതിനുള്ള സ്വാതന്ത്ര്യവും ഉണ്ടായിരിക്കും.
ജീവനക്കാരുടെയും സർക്കാരിന്റെയും വിഹിതം സുരക്ഷിതമായി കൈകാര്യം ചെയ്യുന്നതിനായി ഒരു പ്രത്യേക ഫണ്ട് രൂപീകരിക്കും.
നടപ്പിലാക്കുന്നത് ഏപ്രിൽ ഒന്ന് മുതൽ.പുതിയ പെൻഷൻ പദ്ധതി നടപ്പിലാക്കുന്നതിനുള്ള ഔദ്യോഗിക ഉത്തരവ് ഏപ്രിൽ ഒന്നിന് പുറപ്പെടുവിക്കുമെന്ന് ധനമന്ത്രി വ്യക്തമാക്കി. പങ്കാളിത്ത പെൻഷൻ പിൻവലിക്കണമെന്ന ജീവനക്കാരുടെ സംഘടനകളുടെ ശക്തമായ ആവശ്യത്തിനിടയിലാണ് സർക്കാരിന്റെ ഈ സുപ്രധാന നീക്കം.