നിമിഷപ്രിയയുടെ വധശിക്ഷ തീയതി നീട്ടണമെന്ന് കേന്ദ്രം യെമനോട്; സുപ്രീംകോടതിയില് വിശദീകരണം
വധശിക്ഷയ്ക്ക് വിധിക്കപ്പെട്ട നിമിഷപ്രിയയുടെ ശിക്ഷാജഡ്ജ്മെന്റ് ബുധനാഴ്ച നടപ്പാക്കാനിരിക്കെ, അതിന് സമയം നീട്ടണമെന്നാവശ്യപ്പെട്ട് യെമന് ഭരണകൂടത്തോട് കേന്ദ്ര സര്ക്കാര് ഇടപെട്ടതായി അറ്റോണി ജനറല് സുപ്രീംകോടതിയില് അറിയിച്ചു. ഇന്ത്യയ്ക്ക് യെമനില് എംബസി ഇല്ലെന്നത് വലിയ പ്രതിസന്ധിയാണെന്നും വിഷയത്തില് കേന്ദ്രത്തിനുള്ള ഇടപെടല് സാധ്യതകള്ക്ക് പരിധിയുണ്ടെന്നും അദ്ദേഹം വ്യക്തമാക്കി.
വധശിക്ഷ ഒഴിവാക്കുന്നതിനായി വിവിധ നിലകളില് ശ്രമങ്ങള് തുടരുകയാണ്. യെമന് പ്രോസിക്യൂട്ടറിന് കത്തയക്കുകയും ഒരു ഷെയ്ഖ് മുഖേന ചര്ച്ച നടത്താന് ശ്രമിച്ചുമാണ് കേന്ദ്രത്തിന്റെ സമീപനം. എന്നാല് കൊല്ലപ്പെട്ട യെമന് പൗരനായ തലാല് അബു മഹ്ദിയുടെ കുടുംബം ദയാധനം സ്വീകരിക്കാന് തയ്യാറാകാത്തതിനാല് മറ്റ് ചര്ച്ചകള് ഏറെ ഫലപ്രദമാകുന്നില്ലെന്നുമാണ് കേന്ദ്രം കോടതിയെ അറിയിച്ചത്.
സേവ് നിമിഷപ്രിയ ആക്ഷന് കൗണ്സില് കോടതിയെ അറിയിച്ച...