‘മഹാവതാര് നരസിംഹ’ കാണാന് തിയറ്ററിന് പുറത്ത് ചെരുപ്പ് അഴിച്ചുവച്ച് പ്രേക്ഷകര്; ഇന്റര്വെലിന് ഭജന
തെന്നിന്ത്യന് സിനിമയില് നിന്ന് പാന് ഇന്ത്യന് പ്രേക്ഷകശ്രദ്ധയിലേക്ക് ചിത്രങ്ങള് എത്തുന്നതിന്റെ തുടക്കമിട്ടത് എസ് എസ് രാജമൗലിയുടെ ബാഹുബലി ആയിരുന്നു. പിന്നീട് കെജിഎഫും കാന്താരയുമടക്കം നിലവധി ചിത്രങ്ങള് എത്തി. അത്രത്തോളം വലിയ വിജയങ്ങള് അല്ലാതിരുന്ന ചിത്രങ്ങളും അത്തരത്തില് എത്തിയിട്ടുണ്ട്. ഇപ്പോഴിതാ കന്നഡ സിനിമയില് നിന്നുള്ള ഒരു പാന് ഇന്ത്യന് അനിമേഷന് ചിത്രവും അത്തരത്തില് വാര്ത്തകളില് ഇടംപിടിക്കുകയാണ്. അശ്വിന് കുമാര് സംവിധാനം ചെയ്ത മഹാവതാര് നരസിംഹയാണ് ആ ചിത്രം. 25 ന് തിയറ്ററുകളില് എത്തിയ ചിത്രമാണ് ഇത്. അനിമേറ്റഡ് എപിക് മിത്തോളജിക്കല് ആക്ഷന് എന്നതാണ് ചിത്രത്തിന്റെ ജോണര്. കന്നഡയ്ക്ക് പുറമെ തെലുങ്ക്, ഹിന്ദി, തമിഴ്, മലയാളം ഭാഷകളിലും ചിത്രം എത്തിയിട്ടുണ്ട്. കന്നഡയാണ് ഒറിജിനലെങ്കിലും ഏറ്റവും കളക്ഷന് വന്നത് ഹിന്ദി, തെലുങ്ക് ഭാഷകളില് നിന്നാണ്. ചിത്രത്തിന്റെ ഹിന്ദി പതിപ്പ് ഇന്...