കേരള സാഹിത്യ അക്കാദമി പുരസ്കാരങ്ങള് പ്രഖ്യാപിച്ചു; അനിത തമ്പിക്കും ഇന്ദുഗോപനും പുരസ്കാരം
2024ലെ കേരള സാഹിത്യ അക്കാദമി പുരസ്കാരങ്ങള് പ്രഖ്യാപിച്ചു. അക്കാദമി വിശിഷ്ടാംഗത്വത്തിന് കെ വി രാമകൃഷ്ണനും ഏഴാച്ചേരി രാമചന്ദ്രനും അര്ഹരായി. അനിത തമ്പിക്ക് കവിതയ്ക്കും ഇന്ദുഗോപന് നോവലിനും പുരസ്കാരം ലഭിച്ചു.
വിശിഷ്ടാംഗത്വം ലഭിച്ചവര്ക്ക് അമ്പതിനായിരം രൂപയും രണ്ടു പവന്റെ സ്വര്ണ്ണപതക്കവും പ്രശസ്തിപത്രവും പൊന്നാടയും ഫലകവുമാണ് പുരസ്കാരം. സമഗ്ര സംഭാവനയ്ക്കുള്ള പുരസ്കാരത്തിന് പി കെ എന് പണിക്കര്, പയ്യന്നൂര് കുഞ്ഞിരാമന്, എം എം നാരായണന്, ടി കെ ഗംഗാധരന്, കെ ഇ എന്, മല്ലികാ യൂനിസ് എന്നിവര്ക്കാണ്. മുപ്പതിനായിരം രൂപയും സാക്ഷ്യപത്രവും പൊന്നാടയും ഫലകവുമാണ് പുരസ്കാരം. മലയാള സാഹിത്യത്തിന് ഗണ്യമായ സംഭാവനകള് അര്പ്പിച്ച എഴുപത് വയസ്സ് പിന്നിട്ട എഴുത്തുകാരെയാണ് ഈ പുരസ്കാരത്തിന് പരിഗണിക്കുന്നത്.
Tag; Kerala Sahitya Akademi awards announced; Anitha Thampi and Indu Gopan to receive awards...