പരിക്കേറ്റ കളിക്കാരന് പകരക്കാരെ ഇറക്കാന് അനുവദിക്കണമെന്ന് ഗംഭീര്
മത്സരത്തിനിടെ പരിക്കേറ്റ് ഒരു കളിക്കാരന് കളിക്കാനാവാത്ത സാഹചര്യങ്ങളില് പകരം മറ്റൊരു കളിക്കാരനെ പ്ലേയിംഗ് ഇലവനില് കളിപ്പിക്കാന് അനുവദിക്കണമെന്ന് ഇന്ത്യൻ പരിശീലകന് ഗൗതം ഗംഭീര്. ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റില് ക്രിസ് വോക്സിന്റെ പന്ത് കാല്പ്പാദത്തില് കൊണ്ട് റിഷഭ് പന്തിന് പരിക്കേറ്റിരുന്നു. തുടര്ന്ന് ബാറ്റിംഗ് നിര്ത്തി കയറിപ്പോയ റിഷഭ് പന്ത് രണ്ടാം ദിനം പൊട്ടലുള്ള കാല്പ്പദവുമായി വീണ്ടും ബാറ്റിംഗിനിറങ്ങേണ്ടിവന്നിരുന്നു. ഈ സാഹചര്യത്തിലാണ് പരിക്കേറ്റ് ഒരു കളിക്കാരന് പുറത്തായാല് പകരം കളിക്കാരനെ ഇറക്കുന്നതിനെ അനുകൂലിക്കുന്നുവെന്ന് ഗംഭീര് മത്സരശേഷമുള്ള വാര്ത്താസമ്മേളനത്തില് വ്യക്തമാക്കിയത്.
എന്നാല് ഗംഭീറിന്റെ നിര്ദേശത്തെ അസംബന്ധമെന്നാണ് ഇംഗ്ലണ്ട് നായകന് ബെന് സ്റ്റോക്സ് വിശേഷിപ്പിച്ചത്. പരിക്കേറ്റ കളിക്കാര്ക്ക് പകരക്കാരെ ഇറക്കാന് അനുവദിക്കുന്നത് ദുരുപയോഗം ചെയ്യാ...