രാജഗിരി ആശുപത്രിയിൽ കീഹോള് ശസ്ത്രക്രിയയ്ക്ക് വിധേയനായ രോഗി മരിച്ചെന്ന പരാതിയില് കേസ്
രാജഗിരി ആശുപത്രിയിൽ കീഹോള് ശസ്ത്രക്രിയയ്ക്ക് വിധേയനായ രോഗി മരിച്ചെന്ന പരാതിയില് കേസ്. തൃപ്പൂണിത്തുറ തിരുവാങ്കുളം സ്വദേശി ബിജു (54) ആണ് തിങ്കളാഴ്ച മരിച്ചത്. ബിജുവിന്റെ സഹോദരന് ബിനു (44) നല്കിയ പരാതിയിലാണ് കേസെടുത്തത്.
നടുവേദനയെ തുടര്ന്നാണ് ബിജു കീഹോള് ശസ്ത്രക്രിയയ്ക്ക് വിധേയനായത്. ഡിസ്കില് ഞരമ്പ് കയറിയതായിരുന്നു നടുവേദനയ്ക്ക് കാരണം. ശസ്ത്രക്രിയയിലെ പിഴവ് കാരണം ആന്തരിക രക്തസ്രാവം ഉണ്ടാവുകയും മരണത്തിലേക്ക് നയിച്ചെന്നുമാണ് കുടംബം ആരോപിക്കുന്നത്. ആന്തരിക രക്തസ്രാവം രോഗിക്ക് ഉണ്ടായെന്ന് ഡോക്ടര് പറഞ്ഞതായി ബിനു പറയുന്നു. വിദഗ്ധ ചികിത്സക്കായി ചുണങ്ങംവേലി രാജഗിരി ആശുപത്രിയില് ജൂണ് 25ാം തീയതി എത്തുകയും ന്യൂറോ സര്ജന് മനോജിനെ കാണുകയും ഓപ്പറേഷന് നിര്ദേശിക്കുകയുമായിരുന്നുവെന്ന് കുടുംബം നല്കിയ പരാതിയില് ചൂണ്ടികാട്ടുന്നു.
ജൂൺ 27ാം തീയതിയാണ് കീഹോള് സര്ജറി നടത്തുന്നത്. അന്ന് രാത്രി ത...