നിമിഷപ്രിയയുടെ വധശിക്ഷ: ഇടപെടല് ആവശ്യപ്പെട്ട ഹര്ജി സുപ്രീംകോടതി ഇന്ന് പരിഗണിക്കും
വധശിക്ഷയ്ക്ക് വിധിക്കപ്പെട്ട് യെമനിലെ ജയിലില് കഴിയുന്ന മലയാളി നഴ്സ് നിമിഷപ്രിയയുടെ മോചനവുമായി ബന്ധപ്പെട്ട ഹര്ജി സുപ്രീംകോടതി ഇന്ന് പരിഗണിക്കും. ജസ്റ്റിസ് വിക്രം നാഥിന്റെ നേതൃത്വത്തിലുള്ള ബെഞ്ചാണ് ഹര്ജിയിലെ വാദം കേള്ക്കുക. ഈ മാസം 16നാണ് യെമന് ഭരണകൂടം നിമിഷപ്രിയയുടെ വധശിക്ഷ നടപ്പിലാക്കാൻ നിശ്ചയിച്ചിരിക്കുന്നത്. നിമിഷപ്രിയയുടെ വധശിക്ഷ താത്കാലികമായി മരവിപ്പിക്കുകയും മോചനം ഉറപ്പാക്കുന്നതിനും കേന്ദ്ര സര്ക്കാര് അടിയന്തരമായി ഇടപെടണമെന്ന് ആവശ്യപ്പെട്ട് അഭിഭാഷകന് കെ.ആര്. സുഭാഷ് സമര്പ്പിച്ച ഹര്ജിയിലാണ് സുപ്രീംകോടതിയുടെ പരിഗണന.
നിമിഷപ്രിയയ്ക്കായി ഇടപെടണമെന്ന് ആവശ്യപ്പെട്ട് നിരവധി രാഷ്ട്രീയ നേതാക്കളും രംഗത്തെത്തിയിട്ടുണ്ട്. പാര്ലമെന്റ് അംഗങ്ങളായ കെ. രാധാകൃഷ്ണന്, ജോണ് ബ്രിട്ടാസ്, കൊടിക്കുന്നില് സുരേഷ്, എംഎല്എയായ ചാണ്ടി ഉമ്മന്, കാന്തപുരം എ.പി. അബൂബക്കര് മുസ്ലിയാര്, കോണ്ഗ്രസ് നേതാവ...