സംസ്ഥാന സർക്കാരിന് തിരിച്ചടി; കീം പരീക്ഷാഫലം റദ്ദാക്കി ഹൈക്കോടതി
പുതിയ ഫോര്മുലയില് മാര്ക്ക് ഏകീകരണം നടത്തി സംസ്ഥാന സര്ക്കാര് പ്രഖ്യാപിച്ച കേരള എന്ജിനിയറിങ് പ്രവേശന യോഗ്യതാ പരീക്ഷാ ഫലം (കീം) ഹൈക്കോടതി റദ്ദാക്കി.കീം റാങ്ക് ലിസ്റ്റ് പുനഃക്രമീകരിക്കണമെന്ന് ഹൈക്കോടതിയുടെ സിംഗിള് ബെഞ്ച് ഉത്തരവിട്ടു. റാങ്ക് ലിസ്റ്റിന്റെ മാര്ക്ക് ഏകീകരണം ചോദ്യംചെയ്ത് സിബിഎസ്ഇ സിലബസില് പ്ലസ്ടു വിജയിച്ച വിദ്യാര്ഥിനി ഹന ഫാത്തിമയാണ് ഹര്ജി നല്കിയത്.
മാര്ക്ക് ഏകീകരണത്തില് മാര്ക്ക് കുറയുന്നു എന്ന കേരള സിലബസ് വിദ്യാര്ഥികളുടെ ദീര്ഘകാലമായുള്ള പരാതി പരിഗണിച്ച് കഴിഞ്ഞയാഴ്ചയാണ് പുതിയ ഫോര്മുലയുടെ അടിസ്ഥാനത്തില് സംസ്ഥാന സര്ക്കാര് കീം ഫലം പ്രഖ്യാപിച്ചത്.മാര്ക്ക് ഏകീകരണത്തിനുള്ള പുതിയ സമവാക്യം മൂലം സിബിഎസ്ഇ വിദ്യാര്ഥികള്ക്ക് മുമ്പ് ഉണ്ടായിരുന്ന വെയിറ്റേജ് നഷ്ടമായെന്ന വാദവും കണക്കിലെടുത്താണ് ഹൈക്കോടതിയുടെ വിധി.
മുന് സമവാക്യപ്രകാരം തയ്യാറാക്കുമ്പോള് കേരള സിലബസ് വിദ...