കൊച്ചി: എളമക്കരയിൽ ആറുവയസ്സുകാരിയെ കൊലപ്പെടുത്തി പിതാവ് ആത്മഹത്യ ചെയ്ത സംഭവത്തിൽ പുറത്തുവന്ന പോസ്റ്റ്മോർട്ടം റിപ്പോർട്ട് പുറത്തുവന്നു. പെൺകുട്ടി ഒരു വർഷത്തോളമായി ലൈംഗികാതിക്രമത്തിനിരയായിരുന്നുവെന്നും മരണത്തിന് മണിക്കൂറുകൾ മുമ്പും പീഡനം നേരിട്ടതായും കണ്ടെത്തി. സംഭവത്തിൽ കേരള പോലീസ് പോക്സോ കേസ് രജിസ്റ്റർ ചെയ്ത് അന്വേഷണം ശക്തമാക്കി. അന്വേഷണം പുരോഗമിക്കുകയാണ്. പിതാവും സംശയനിഴലിലാണെന്ന് പൊലീസ് അറിയിച്ചു. നിരന്തരം മദ്യപിക്കുന്ന വ്യക്തിയായിരുന്നു പിതാവെന്നാണ് വിവരം. കുട്ടി പീഡനത്തിനിരയായ വിവരം അറിയില്ലെന്നതാണ് അമ്മയുടെ മൊഴി.
കഴിഞ്ഞ മാസം 16-നാണ് വാടകവീട്ടിൽ പിതാവിനെയും മകളെയും മരിച്ച നിലയിൽ കണ്ടെത്തിയത്. അമ്മ വീട്ടിലില്ലാതിരുന്നതിനാൽ മടങ്ങിയെത്തിയപ്പോഴാണ് ഇരുവരെയും മരിച്ച നിലയിൽ കണ്ടത്. അസ്വാഭാവിക മരണത്തിന് കേസ് എടുത്ത പൊലീസ് ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹങ്ങൾ പോസ്റ്റ്മോർട്ടത്തിനായി കളമശ്ശേരി മെഡിക്കൽ കോളേജ് ആശുപത്രിയിലേക്ക് മാറ്റി. മകളെ കിടക്കയിൽ കിടക്കുന്ന നിലയിലും പിതാവിനെ തൂങ്ങിയ നിലയിലുമായിരുന്നു കണ്ടെത്തിയത്. മകൾക്ക് വിഷം നൽകി ശേഷം പിതാവ് ജീവനൊടുക്കിയെന്നായിരുന്നു പൊലീസിന്റെ പ്രാഥമിക നിഗമനം.