തിരുവനന്തപുരം: സീ പ്ലെയിന് പദ്ധതിക്ക് ഏവിയേഷന് വകുപ്പിന്റെ അനുമതി ലഭിച്ചതായി ടൂറിസം, പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. 48 സീ പ്ലെയിന് റൂട്ടുകളാണ് കേരളത്തിനായി അനുവദിച്ചിരിക്കുന്നത്. ഇന്ത്യ വണ് എയര്, മെഹ്എയര്, പിഎച്ചല്, സ്പൈസ് ജെറ്റ് തുടങ്ങിയ കമ്പനികള്ക്കാണ് റൂട്ടുകള് അനുവദിച്ചിട്ടുള്ളതെന്നും സീ പ്ലെയിന് പദ്ധതി യാഥാര്ഥ്യമാക്കാനുള്ള കടമ്പകള് ഓരോന്നായി പൂര്ത്തിയാക്കുകയാണെന്ന പ്രഖ്യാപനത്തോടെയാണ് ടൂറിസം മന്ത്രി ഇക്കാര്യം ഫേസ്ബുക്ക് പോസ്റ്റിലൂടെയാണ് അറിയിച്ചത്.
സീ പ്ലെയിന് പദ്ധതിക്കായി എല്ഡിഎഫ് സര്ക്കാര് ബജറ്റില് തുക വകയിരുത്തിയിട്ടുണ്ട്. ഡാമുകളിലുടെയുള്ള സീപ്ലൈന് പദ്ധതി ഭാവി കേരളത്തില് യാഥാര്ത്ഥ്യമാക്കാന് എല്ലാവരെയും യോജിപ്പിച്ച് മുന്നോട്ട് പോകുമെന്നും മന്ത്രി പറഞ്ഞു. സീ പ്ലെയിന് ആരംഭിക്കുന്നതിന്റെ ഭാഗമായി കൊച്ചിയില് നിന്നും ഇടുക്കി ജില്ലയിലെ മാട്ടുപ്പെട്ടിയിലേക്ക് സീ പ്ലെയിന് പരീക്ഷണ പറക്കലും നടത്തുകയുണ്ടായത് വളരെ ആവേശത്തോടെയാണ് സമൂഹം ഏറ്റെടുത്തത്. പദ്ധതി ആരംഭിക്കുന്നതിന്റെ ഭാഗമായി അടിസ്ഥാന സൗകര്യം ഒരുക്കുവാനുള്ള പദ്ധതി കൂടി തയ്യാറാക്കുന്നുണ്ട്. ഇതിന്റെ തുടര്നടപടികളും പുരോഗമിക്കുകയാണ്. മന്ത്രി കൂട്ടിച്ചേർത്തു.