വിവാദങ്ങളിൽ നിറയുകയാണ് സൂംബ ഡാൻസ്. ഇത്രത്തോളം വിവാദമാകുന്ന സൂംബ ഡാൻസ് എന്താണ്?
സൂംബ എന്നാൽ ഒരു ഫിറ്റ്നസ് ഡാൻഡ് രീതിയാണ്. കൊളംബിയൻ ഡാൻസറായ ബെറ്റോപിരസാണ് ഈ നൃത്തത്തിന് രൂപം നൽകിയത്. ലാറ്റിൽ അമേരിക്കൻ പാട്ടുകൾക്കനുസരിച്ചാണ് ഈ നൃത്തം ചിട്ടപ്പെടുത്തിയിരിക്കുന്നത്. ഈ നൃത്തം ചെയ്യുന്നത് ശരീരഭാരം ഒരു പരിധിവരെ കുറയ്ക്കുന്നതിന് വളരെ അധികം സഹായകരമാണ്. കൂടാതെ ഇത് ശരീരത്തിന് വളരെയധികം ഊർജവും ഉന്മേഷവും നൽകുന്നു. ഇത് ശരീരത്തിലെ കൊഴുപ്പ് നിയന്ത്രിക്കുന്നതിനും അതിലൂടെ ഹൃദയാരോഗ്യം നിലനിർത്താനും സഹായിക്കുന്നു.
1990 കളുടെ അവസാനത്തിൽ കൊളംബിയൻ നർത്തകനും നൃത്തസംവിധായകനുമായ ആൽബെർട്ടോ “ബെറ്റോ” പെരെസാണ് സുംബ സൃഷ്ടിച്ചത്. ഒരു ദിവസം, ബീറ്റോ തന്റെ ഫിറ്റ്നസ് ക്ലാസിനായി പരമ്പരാഗത എയറോബിക്സ് സംഗീത രീതിയിൽ നിന്ന് മാറി സൽസയും മെറെൻഗു സംഗീതവും നിറഞ്ഞ തന്റെ സ്വകാര്യ കാസറ്റ് ടേപ്പുകൾ വ്യായാമത്തിനായി ഉപയോഗിച്ചു. കർശനമായ വ്യായാമ മുറകൾക്ക് പകരം നൃത്തച്ചുവടുകളെ അടിസ്ഥാനമാക്കിയുള്ള ഒരു വ്യായാമം അദ്ദേഹത്തിന്റെ ആരോഗ്യം മെച്ചപ്പെടുത്തി. ഈ ക്ലാസുകൾ എല്ലാവർക്കും ഇഷ്ടപ്പെട്ടു, ഈ പുതിയ ശൈലി പെട്ടെന്ന് ജനപ്രീതി നേടി.
2001 ൽ, ആൽബെർട്ടോ പെർൾമാൻ, ആൽബെർട്ടോ അഗിയോൺ എന്നീ രണ്ട് സംരംഭകരുമായി ബെറ്റോ പങ്കാളിത്തത്തിൽ ഏർപ്പെടുകയും യുണൈറ്റഡ് സ്റ്റേറ്റ്സിൽ സുംബ ഫിറ്റ്നസ്, എൽഎൽസി ഔദ്യോഗികമായി ആരംഭിക്കുകയും ചെയ്തു. അതിനുശേഷം, സുംബ ഒരു ആഗോള ഫിറ്റ്നസ് പ്രതിഭാസമായി പരിണമിച്ചു.
ഇത് കുട്ടികൾക്കകും മുതിർന്നവർക്കും ഒരു പോലെ ചെയ്യാവുന്ന ഒരു വ്യായാമ മുറയാണ്. എകദേശം 180 രാജ്യങ്ങളിൽ 15 മില്യണിലധികം ആളുകൾ ഇന്ന് സൂംബ ഡാൻഡ് ചെയ്യുന്നുണ്ട്.
സുംബ വെറുമൊരു വ്യായാമം എന്നതിലുപരി – ചലനത്തിന്റെയും സംഗീതത്തിന്റെയും ആരോഗ്യത്തിന്റെയും ആഘോഷം കൂടിയാണ്. ശരീരഭാരം കുറയ്ക്കാനും ഫിറ്റ്നസ് മെച്ചപ്പെടുത്താനും നിങ്ങൾ ആഗ്രഹിക്കുന്നുവെങ്കിൽ അതിനുള്ള ഒരു ആസ്വാദ്യകരമായ മാർഗമാണ് സുംബ വാഗ്ദാനം ചെയ്യുന്നത്.